________________
६३६
श्री प्रश्नव्याकरणसूत्र अलियवयणस्स वेरमणपरिरक्खणट्ठयाए-(१) पढमं सोऊण संवरटुं परमट्ठ सुद्ध जाणिऊण न वेगियं, न तुरियं, न चवलं, न कडुयं, न फरुसं, न साहसं, न य परस्स पीलाकरं, साज्जं सच्चं च हियं च मियं च, गाहगं च सुद्ध संगयमकाहलं च समिक्खितं संजतेरण कालंमि य वत्तव्वं । एवं अणुवीइ (ति)-समितिजोगेण भाविओ भवति अंतरप्पा संजयकरचरणनयणवयणो सूरो सच्चज्जवसंपन्नो। (२) बितियं कोहो ण सेवियव्वो, कुद्धो चंडिक्किओ मणूसो अलियं भणेज्ज, पिसुणं भणेज्ज, फरुसं भणेज्ज, अलिय पिसुण फरुसं भणेज्ज; कलहं करेज्जा, वेरं करेज्जा, विकहं करेज्जा, कलहं वेरं विकह करेज्जा; सच्चं हणेज्ज, सीलं हणेज्ज, विणयं हणेज्ज, सच्चं सीलं विणयं हणेज्ज; वेसो हवेज्ज, वत्थु भवेज्ज, गम्मो भवेज्ज,वेसो वत्थु गम्मो भवेज्ज,एवं अन्नं च एवमादियं भणेज्ज कोहग्गिसंपलित्तो, तम्हा कोहो न सेवियव्वो । एवं खंतीइ भाविओ भवति अंतरप्पा संजयकरचरणनयणवयणो सूरो सच्चज्जवसंपन्नो । (३) ततियं लोहो न सेवियन्वो; लुद्धो लोलो भणेज्ज अलियं खेत्तस्स व वत्थुस्स व कतेण १, लुद्धो लोलो भणेज्ज अलियः कित्तीए लोभस्स व कएण २, लुद्धो लोलो भणेज्ज अलियं रिद्धीए' (य) व सोक्खस्स व कएण ३, लुद्धो लोलो भणेज्ज अलियं भत्तस्स व पाणस्स व कएण ४, लुद्धो लोलो भणेज्ज अलिय, पीढस्स व फलगस्स व कएण५, लुद्धो लोलो भणेज्ज अलियं, सेज्जाए व संथारकस्स व कएण ६, लुद्धो लोलो भणेज्ज अलिय वत्थस्स व पत्तस्स व कएण७, लुद्धो लोलो भणेज्ज अलियौं कंबलस्स व पायपुछणस्स व कएण८, लुद्धो लोलो भणेज्ज अलियं सीसस्स व सिस्सीणीए व कएण६, लुद्धो
१. कहीं कहीं 'इड्ढीए' पाठ भी मिलता है।
-संपादक
