________________
तृतीय अध्ययन : अदत्तादान-आश्रव
- २७३ लोहदंड - उरउदरवत्थि (पट्ठि)परिपीलिता मच्छं(च्छि)तहिययसंचुण्णियंगमंगा, आणत्ति - (ती)किंकरेहिं ; केति अविराहिय वेरिएहिं जमपुरिससन्निहेहिं पहया ते तत्थ मंदपुण्णा चडवेलावज्झपट्ट-पाराइ-छिव- कस- लत (त्ता)-वरत्त-नेत्तप्पहारसयतालियंगमंगा, किवणा, लंबंत-चम्मवरणवेयणविमुहियमणा, घणकोट्टिमनियलजुयलसंकोडिय-मोडिया य कीरंति, निरुच्चारा, (असंचरणा) एया अन्ना य एवमादीओ वेयणाओ पावा पावेंति ; अदंतिदिया वसट्टा, बहुमोहमोहिया, परधणंमि लुद्धा, फासिदियविसयतिव्वगिद्धा, इत्थिगयरूवसद्दरसगंध-इट्ठरतिमहितभोगतण्हाइया य धणतोसगा गहिया य जे नरगणा । . पुणरवि ते कम्मदुब्वियद्धा उवणीया रायकिंकराण तेसि वहसत्थगपाढयाणं, विलउलीकारकाणं, लंचसयगेण्हकाणं, कूडकवडमायानियडि - आयरणपणिहिवंचणविसारयाणं, बहुविहअलियसतजंपकाणं, परलोकपरंमुहाणं, निरयगतिगामियाणं तेहि य आणत्तजीयदंडा तुरियं उग्घाडिया पुरवरे सिंघाडग-तिय-चउक्कचच्चर-चउम्मुह-महापहपहेसु वेत्त-दंड-लउड - कट्ठ-ले?-पत्थरपणालि-पणोल्लि - मुट्ठि-लया-पादपण्हि-जाणु-कोप्पर-पहारसंभग्गमयिगत्ता, अट्ठारस-कम्मकारणा जाइयंगमंगा, कलुणा, सुक्कोट्ठकंठगलकतालुजीहा, जायंता पाणीयं विगयजीवियासा, तण्हादिया, वरागा तं पिय ण लभंति वज्झपुरिसेहिं (नि) धाडियंता।
तत्थ य खरफरुसपडहघट्टितकूडग्गहगाढरुट्ठनिसट्टपरामुट्ठा, वज्झकरकुडिजुयनियत्था, सुरत्तकणवोरगहियविमुकुलकंठेगुणवज्झदूत आविद्धमल्लदामा, मरणभयुप्पण्ण-सेद आयतणेहुत्तुपियकिलिन्नगत्ता चुण्णगुडियसरीर-रयरेणुभरियकेसा कुसुभगोकिन्नमुद्धया छिन्नजीवियासा, घुन्नत्ता वज्झयाण भीता (वज्झपाण
