________________
२९०
दान : अमृतमयी परंपरा
दानमहिमागर्भितं श्री दान कुलकम्
'परिहरिअ रज्जसारो, उप्पाडिअ - संजमिक्कगुरुभारो । खंधाओ देवदूसं, विअरंतो जयउ वीरजिणो ॥१॥
धम्मत्थकामभेया, तिविहं दाणं जयम्मि विक्खायं । तहवि अजिदि मुणिणो, धम्मं दाणं पसंसंति ॥२॥
दाणं सोहग्गकरं, दाणं आरुग्गकारणं परमं । दाणं भोगनिहाणं, दाणं ठाणं गुणगणाणं ॥३॥ दाणेण फुरइ कित्ती, दाणेण य होइ निम्मला कंती । दाणावज्जियहिअओ, वइरी वि हु पाणियं वहइ ||४||
धणसत्थवाहजम्मे, जं घयदाणं कयं सुसाहूणं । तक्कारणमुसभजिणो, तेलुक्क पियामहो जाओ ||५|| करुणाइ दिन्नदाणो, जम्मंतरगहिअपुण्णकिरिआणो । तित्थयर - चक्करिद्धि, संपत्तो संतिनाहो वि ॥६॥
पंचसयसाहुभोयण-दाणावज्जिअसुपुण्णपब्भारो । अच्छरिअ - चरिअ - भरिओ, भरहो भरहाहिवो जाओ ||७||
मूलंविणा विदाउं, गिलाण पडिअरणजोगवत्थूणि । सिद्धो अ रयणकंबल - चंदणवणिओ वि तम्मि भवे ॥८॥
