________________
अ०५-२] दशवैकालिकसूत्रम् तहेव चाउलं पिर्टी वियर्ड वा तत्त-निबुडं । तिल-पिट्र पूइ-पिन्नागं आमगं परिवज्जए ॥२२॥ कविटुं माउलङ्ग च मूलगं मूलगत्तियं । आमं अ-सत्थ-परिणयं मणसा वि न पत्थए ॥२३॥ तहेव फल-मन्थूणि बीय-मन्थूणि जाणिया । बिहेलगं पियालं च आमगं परिवज्जए ॥२४॥ समयाणं चरे भिक्ख कुलं उच्चावयं सया। नीयं कुलमइक्कम्म जसढं नाभिधारए ॥२५॥ अदीणो वित्तिमेसेज्जा न विसीएज्ज पण्डिए। अमुछिओ भोयणम्मि माय-ने एसणा-रए ॥२६॥ ,,बहुं पर-घरे अस्थि विविहं खाइम-साइमं । न तत्थ पण्डिओ कुप्पे, इछा देज्न परो न वा ॥२७॥ सयणासण-वत्थं वा भतंपाणं व संजए। अदेन्तस्स न कुप्पेज्जा पञ्चक्खे वि य दीसओ ॥२॥ इत्थियं पुरिस वा वि डहरं वा महल्लगं । वन्दमाणं न जाएज्जा, नो य णं फरुसं वए ॥ २९॥ जे न वन्दे न से कुप्पे, वन्दिओ न समुक्कसे, । एवमनेसमाणस्म सामणमणुचिटुई ॥३०॥
१ B and Avach. माउलिङ्ग. २BH and Avach. खाइमं.
