Page Text
________________
सूयगडम्मि [2. 2. 16. 7अदुवा सविाणयान्तए १४ । एगइओ आणुगामियभावं पडिसंधाय तमेव अणुगामियाणुगामियं हन्ता छेत्ता भेत्ता लुम्पइत्ता विलुम्पइत्ता उद्दवइत्ता आहारं आहारेइ, इति से भहया पावहिं कम्नेहिं अत्ताणं उवक्खाइत्ता भवइ । से एगइओ उवचरयभावं पडिसंधाय तमेव उवचरियं हन्ता छेत्ता भेत्ता लुम्पइत्ता विलुम्पइत्ता उद्दवइत्ता आहारं आहारेइ । इति से पावेहिं कम्मेहिं अत्ताणं उवक्खाइत्ता भवइ । से एगइओ पाडिपहियभावं पडिसंधाय तमेव पडिपहे ठिचा हन्ता छेत्ता भेत्ता लुम्पइता विलुम्पइत्ता उद्दवइत्ता आहारं आहारेइ, इति से महया पावेहिं कम्महिं अत्ताणं उवक्खाइत्ता भवइ । से एगइओ संधिच्छेदगभावं पडिसंधाय तमेव संधि छेता भेत्ता जाव इति से महया पावहिं कम्मेहिं अत्ताणं उवक्खाइत्ता भवइ । से एगइओ गण्ठिच्छेदगभावं पडिसंधाय तमेव गण्ठिं छेत्ता भेत्ता जाव इति से महया पावेहि कम्मेहिं अत्ताणं उवक्खाइत्ता भवइ । से एगइओ उराभयभावं पडिसंधाय उभं वा अन्नयरं वा तसं पाणं हन्ता जाव उवक्खाइत्ता भवइ । (एसो अभिलायो सव्वत्थ) से एगइओ सोयरियभावं पडिसंधाय महिसं वा अन्नयरं वा तसं पाणं हन्ता जाव उवक्खाइत्ता भवइ। से एगइओ वागुरियभावं पडिसंधाय मियं वा अन्नयरं वा तसं पाणं हन्ता जाव उवक्खाइत्ता भवइ। से एगइओ सउणियभावं पडिसंधाय सउणिं वा अन्नयरं वा तसं पाणं हन्ता जाव उवक्खाइत्ता भवइ । से एगइओ मच्छियभावं पडिसंधाय मच्छं वा अन्नयरं वा तसं पाणं हन्ता जाव उवक्खाइत्ता भवई । से एगइओ गोपायभावं पडिसंधाय तमेव गोणं वा अन्नयरं वा तसं पाणं हन्ता जाव उवक्खाइत्ता भवइ । से एगइओ गोवालभावं पडिसंधाय तमेव गोवालं वा परिजविय परिजविय हन्ता जाव उवक्खाइत्ता भवइ । से एगइओ सोवणियभावं पडिसंधाय तमेव सुणगं वा अन्नयरं वा तसं पाणं हन्ता जाव उवक्खाइत्ता भवइ । से एगइओ सोवणियन्तियभावं पडिसंधाय तमेव मणुस्सं वा अन्नयरं वा तसं पाणं हन्ता जाव आहारं आहारेइ
| SR No. | 002352 |
| Book Title | Suyagadam Part 01 |
| Original Sutra Author | N/A |
| Author | P L Vaidya |
| Publisher | Motilal Sheth |
| Publication Year | 1928 |
| Total Pages | 158 |
| Language | Sanskrit |
| Classification | Book_Devnagari & agam_sutrakritang |
| File Size | 10 MB |