Page Text
________________
सूयगडम्मि [2. 1. 14. 15बेमि पाइणं वा ६ जाव एवं से परिन्नायकम्मे, एवं से ववेयकम्मे, एवं से विअन्तकारए भवइ त्ति-मक्खायं ॥ १४ ॥
तत्थ खलु भगवया छज्जीवनिकायहेऊ पन्नत्ता । तं जहा-पुढवीकाए जाव तसकाए । से जहानामए-मम अस्सायं दण्डण वा अट्ठीण वा मुट्ठीण वा लेलण वा कवालेण वा आउट्टिजमाणस्स वा हम्ममाणस्स वा तजिजमाणस्स वा ताडिज्जमाणस्स वा परियाविजमाणस्स वा किलामिजमाणस्स वा उद्दविजमाणस्स वा जाव लोमुक्खणणमायमवि हिंसाकारगं दुक्खं भयं पडिसंवेदेमि, इच्चेवं जाण सव्वे जीवा सव्वे भूया सव्वे पाणा सव्वे सत्ता दण्डेण वा जाव कवालेण वा आउट्टिजमाणा वा हम्ममाणा वा तजिजमाणा वा ताडिजमाणा वा परियाविजमाणा वा किलामिजमाणा वा उद्दविजमाणा वा जाव लोमुक्खणणमायमवि हिंसाकारगं दुक्खं भयं पडिसंवेदेन्ति । एवं नच्चा सव्वे पाणा जाव सत्ता न हन्तव्वा न अञ्जावेयव्वा न परिघेयव्या न परितायव्वा न उद्दवेयव्या । से बेमि जे य अईया जे य पडुप्पन्ना जे य आगमिस्सा अरिहन्ता भगवन्ता सव्वे ते एवमाइक्खन्ति एवं भासन्ति एवं पन्नवन्ति एवं परूवेन्ति सव्वे पाणा जाव सत्ता न हन्तव्वा न परिधेयव्वा न अञ्जावेयव्वा न परितावेयव्वा न उद्दवेयव्वा । एस धम्मे धुवे नीइए सासए समिञ्च लोग खेयन्नेहिं पवेइए । एवं से भिकरबू विरए पाणाइवायाओ जाब विरए परिगहाओ नो दन्तपक्खालणेणं दन्ते पक्खालेजा नो अञ्जणं नो वमणं नो धूवणे नो तं परिआविएजा ॥ से भिक्खू अकिरिए अल्सए अकोहे अमाणे अमाए अलोहे उवसन्ते परिनिव्वुडे नो आसंसं पुरओ करेजा इमेण में दिटेण वा सुएण वा भएण वा विनाएण वा इमेण वा सुचरियतवनियमबम्भचेरवासेण इमेण वा जायामायावुत्तिएणं धम्मेणं इओ चुए पेच्चा देवे सिया कामभोगाण वसवत्ती सिद्धे वा अदुक्खमसुभे एत्थ वि सिया एत्थ वि नो सिया । से भिक्खू सद्देहिं अमुच्छिए रूवेहिं अमुच्छिए गन्धेहिं अमुच्छिए रसेहिं अमुच्छिए फासेहिं अमुच्छिए विरए
| SR No. | 002352 |
| Book Title | Suyagadam Part 01 |
| Original Sutra Author | N/A |
| Author | P L Vaidya |
| Publisher | Motilal Sheth |
| Publication Year | 1928 |
| Total Pages | 158 |
| Language | Sanskrit |
| Classification | Book_Devnagari & agam_sutrakritang |
| File Size | 10 MB |