Page Text
________________
७४
सूयगडम्मि [2. 1. 11. 27ते एवं सन्नं सोववन्ति । तमेवं ते तज्जाइयं दुक्खं नाइउद्दन्ति सउणी पञ्जरं जहा। ते नो एवं विप्पडिवेदन्ति तं जहा-किरिया इ वा जाव अणिरए इवा, एवामेव ते विरूवरूवेहिं कम्मसमारम्भेहिं विरूवरूवाई कामभोगाई समारम्भन्ति भोयणाए । एवामेव ते अणारिया विप्पडिवन्ना एवं सदहमाणा जाव इति ते लो हबार नो पाराए, अन्तरा कामभोगेसु विसण्णे ति, तच्चे पुरिसजाए ईसरकाराणए त्ति आहिए ॥ ११ ॥
अहावरे चउत्थे पुरिसजाए नियइवाइए ति आहिजइ । इह खलु पाईणं वा ६ तहेव जाव सेणावइपुत्ता वा । तेसिं च णं एगइए सड्ढी भवइ, कामं तं समणा य माहणा य संपहारिंसु गमणाए जाव मए एस धम्मे सुअक्खाए सुपनत्ते भवइ । इह खलु दुवे पुरिसा भवन्ति-एगे पुरिसे किरियमाइक्खइ एगे पुरिसे नोकिरियमाइक्खइ । जे य पुरिसे किरियमाइक्खइ जे य पुरिसे नोकिरियमाइक्खइ दो वि ते पुरिसा तुल्ला एगट्ठा कारणभावन्ना । बाले पुण एवं विप्पडिवेदेन्ति कारणमावन्ने-अहमंसि दुक्खामि वा सोयामि वा जूरामि वा तिप्पामि वा पीडाभि वा परितप्पामि वा अहमेयमकासि, परो वा जं दुकावइ वा सोयइ वा जूरइ वा तिप्पइ वा पीडइ वा परितप्पड वा परो एवमकासि । एवं से वाले सकारणं वा परकारणं वा एवं विपडिबेदेन्ति कारणमावन्ने । मेहावी पुण एवं विप्पडिवेदेन्ति कारणमावन्ने-अहमसि दुक्खामि वा सोयामि वा जूरामि वा तिप्यामि वा पीडामि वा परितप्यामि वा, नो अहं एवमकासि । परो वा जं दुक्खइ वा जाव परितप्पइ वा नो परो एवमकासि, एवं से मेहावी सकारणं वा परकारणं वा एवं विप्पडिवेदेन्ति कारणमावन्ने । से बेमि पाईणं वा ६ जे तसथावरा पाणा ते एवं संघायमागच्छन्ति ते एवं विप्परियासमावञ्जन्ति ते एवं विवेगमागच्छन्ति ते एवं विहाणमागच्छन्ति ते एवं संगइयन्ति उवेहाए । नो एवं विप्पडिवेदेन्ति, तं जहा-किरिया इ वा जाव निरए इ वा अनिरए इ वा । एवं ते विरूवरूवेहिं कम्मसमारम्भेहिं विरूवरूवाई कामभोगाई समारभन्ति भोयणाए । एवमेव ते
| SR No. | 002352 |
| Book Title | Suyagadam Part 01 |
| Original Sutra Author | N/A |
| Author | P L Vaidya |
| Publisher | Motilal Sheth |
| Publication Year | 1928 |
| Total Pages | 158 |
| Language | Sanskrit |
| Classification | Book_Devnagari & agam_sutrakritang |
| File Size | 10 MB |