________________
७२
सूयगडम्मि [2. 1. 10. 1अहावरे दोचे पुरिसजाए पञ्चमहब्भूइए त्ति आहिज्जइ । इह खलु पाईणं वा ६ सन्तेगइया मणुस्सा भवन्ति अणुपुव्वेण लोयं उववन्ना, तं जहा-आरिया वेगे अणारिया वेगे एवं जाब दुरूना वेगे। तेसिं च णं महं एगे राया भवइ भहया एवं चेव निरवसेसं जाव सेणावइपुत्ता । तेसिं च णं एगइए सड्डा भवान्त कामं तं समणा य माहणा य पहारिंसु गमणाए । तत्थ अन्नयरेणं धम्मेणं पन्नत्तारो वयं इमेणं धम्मेणं पन्नवइस्सामो से एवमायाणह भयन्तारो जहा मए एस धम्मे सुअक्खाए सुपन्नत्ते भवइ । इह खलु पञ्चमहब्भूया जेहिं नो विजइ किरिया त्ति वा अकिरिया त्ति वा सुक्कडे ति वा दुक्कडे त्ति वा कल्लाणे त्ति वा पावए त्ति वा साहु त्ति वा असाहु त्ति वा सिद्धि त्ति वा निरए त्ति वा अनिरए ति वा अवि अन्तसो तणमायमवि ॥ तं च पिहुद्देसेणं पुढोभूयसमवायं जाणेजा । तं जहा पुढवी एगे महब्भूए, आऊ दुच्चे महन्भूए, तेऊ तच्चे महन्भूए, वाऊ चउत्थे महब्भूए, आगासे पञ्चमे महब्भूए । इच्चेए पञ्च महब्भूया अनिम्मिया अनिम्माविया अकडा नो कित्तिमा नो कडगा अणाइया अणिहणा अवञ्झा अपुरोहिया संतता सासया आयछटा । पुण एगे एवमाहु-सओ नत्थि विणासो असओ नत्थि संभवो। एयावया व जीवकाए एयावया व अस्थिकाए एयावया व सव्वलोए, एयं मुहं लोगस्स करणयाए, अवि अन्तसो तणमायमवि । से किणं किणावेमाणे हणं घायमाणे पयं पयावेमाणे अवि अन्तसो पुरिसमवि कीणित्ता घायइत्ता एत्थं पि जाणाहि नत्थित्थ दोसो। ते नो एवं विप्पडिवेदेन्ति । तं जहा-किरिया इ वा जाव अनिरए इ वा । एवं ते विरूवरूवेहि कम्मसमारंभेहिं विरूवरूवाई कामभोगाइं समारभन्ति भोयणाए । एवमेव ते अणारिया विप्पडिवन्ना तं सद्दहमाणा तं पत्तियमाणा जाव ते नो हव्वाए नो पाराए अन्तरा कामभोगेसु विसण्णा । दोच्चे पुरिसजाए पञ्चमहन्भूइए त्ति आहए ॥ १० ॥
