________________
2. 1. 6. 9.] पोण्डरियज्झयणे मग्गस्स गइपरिक्कमन्नू अहमेयं पड़मवरपोण्डरीयं उन्निक्खिस्सामि त्ति कट्ठ इति वुच्चा से पुरिसे अभिकमे तं पुक्खरिणिं । जावं जावं च णं अभिक्कमे तावं तावं च णं महन्ते उदए महन्ते सेए जाव अन्तरा पुक्खरिणीए सेयसि निसण्णे तच्चे पुरिसजाए ॥ ४ ॥
अहावरे चउत्थे पुरिसजाए । अह पुरिसे उत्तराओ दिसाओ आगम्म तं पुक्खरिणं तीसे पुक्खरिणीए तीरे ठिच्चा पासइ तं महं एगं पउमवरपोण्डरीयं अणुपुव्बुट्टियं जाव पडिरूवं । ते तत्थ तिणि पुरिसजाए पासइ पहीणे तीरं अपत्ते जाव सेयंसि निसणे । तए णं से पुरिसे एवं वयासी-अहो णं इमे पुरिसा अखेयन्ना जाव नो मग्गस्स गइपरिक्कमन्नू जं णं एए पुरिसा एवं मन्ने अम्हे एयं परमवरपोण्डरीयं उन्निक्खिस्सामो नो य खलु एयं पउमवरपोण्डरीयं एवं उनिक्खेयव्वं जहा णं एए पुरिसा मन्ने । अहमंसि पुरिसे खेयन्ने जाव मग्गस्स गइपरिकमन्नू, अहमेयं पउमवरपोण्डरीयं एवं उन्निक्खिस्सामि त्ति कटु इतिचा से पुरिसे अभिकमे तं पुक्खरिणिं । जावं जावं च णं अभिक्कमे तावं तावं च णं महन्ते उदए महन्ते सेए जाव निसण्णे चउत्थे पुरिसजाए ॥५॥ ___ अह भिक्खू लुहे तीरडी खेयन्ने जाव गइपरिकमन्नू अन्नयराओ दिसाओ वा अणुदिसाओ वा आगम्म तं पुक्खरिणं तीसे पुक्खरिणीए तीरे ठिचा पासइ तं महं एगं परमवरपोण्डरीयं जाव पडिरूवं । ते तत्थ चत्तारि पुरिसजाए पासइ पहीणे तीरं अपत्ते जाव पउमवरपोण्डरीयं नो हव्वाए नो पाराए अन्तरा पुक्खरिणीए सेयसि निसण्णे । तए णं से भिक्खू एवं वयासी-अहो णं इमे पुरिसा अखेयन्ना जाव नो मग्गस्स गइपरिकमन्नू जं एए पुरिसा एवं मन्ने अम्हे एयं पउमवरपोण्डरीयं उन्निक्खिस्सामो, नो य खलु एयं पउमवरपोण्डरीयं एवं उन्निक्खेयव्वं जहा णं एए पुरिसा मन्ने । अहमंसि भिक्खू लुहे तीरडी खेयन्ने
