________________
लूयगडम्मि
[1. 5. 2. 12 - चिया महन्तीउ समारभित्ता छुब्भन्ति ते त कलुणं रसन्तं । आवई तत्थ असाहुकम्मा सप्पी जहा पडियं जोइमझे ॥१२॥ सया कसिणं पुण धम्मठाणं गाढोवणीयं अइदुक्खधम्म । हत्थेहि पाएहि य बन्धिऊणं सत्तु व्व दण्डेहि समारभन्ति ॥१३॥ भञ्जन्ति बालस्स वहेण पुट्ठी सीसं पि भिन्दन्ति अयोधणेहिं । ते भिन्नदेहा कलगं व तच्छा तत्ताहि आराहि नियोजयन्ति॥१४॥ अभिजंजिया रुद्द असाहुकम्मा उसुचोइया हस्थिवहं वहन्ति । एगं दुरूहित्तु दुवे तओ वा आरुस्स विज्झन्ति ककाणओ से ॥१५ बाला बला भूमिमणुकमन्ता पविजलं कण्टइलं भहन्तं । विवद्धतप्पेहि विवण्णाचिते समीरिया कोट्टबलिं करन्ति ॥१६॥ वेयालिए नाम महाभितावे एगायए पव्वयमन्तलिक्खे । हम्मन्ति तत्था बहुकूरकरमा परं सहस्साण मुहुरगाणं ॥१७॥ संवाहिया दुकडिणो थणन्ति अहो य राओ परितप्पमाणा । एगन्तकूडे नरगे महन्ते कूडेण तत्था विसमे हया उ ॥ १८ ॥ . भञ्जन्ति णं पुवमरी सरोसं समुग्गरे ते मुसले गहेडं । ते भिन्नदेहा रुहिरं वमन्ता ओसुद्धगा धरणितले पडन्ति ॥१९॥ अणासिया नाम महासियाला पागब्मिणो तत्थ सयावकोवा । खजन्ति तत्था बहुकूरकम्मा अदूरगा संखलियाहि बद्धा ॥२०॥ सयाजला नाम नई भिदुग्गा पविजलं लोहविलीणतत्ता । जंसी भिदुग्गसि पवजमाणा एगायताणुकमणं करेन्ति ॥ २१ ॥ एयाइँ फासाइँ फुसन्ति बालं निरन्तरं तत्थ चिराहिईयं । न हम्ममाणस्स उ होइ ताणं एगो सयं पञ्चगुहोई दुक्खं ॥२२॥ जं जारिसं पुचमकासि कम्म तमेव आगच्छइ संपराए । एगन्तदुक्खं भवमञ्जणित्ता वेयन्ति दुक्खी तमणन्तदुक्खं ॥२३॥
