Page Text
________________
१३२
सूयगडाम्म [2. 7. 18. 35णसो आमरणन्ताए....ते तओ आउंविष्पजहन्ति । विष्पजहिता ते तत्थ परेणं चेव जे तसथावरा पाणा जेहिं समणोवासगस्स आयाणसो आमरणन्ताए तेसु पञ्चायन्ति, जेहिं समणोवासगस्स सुपञ्चक्खायं भवइ । ते पाणा वि जाव अयं पि भेदे से नो....। भगवं च णं उदाहु न एयं भूयं न एयं भव्यं न एयं भविस्सइ जंणं तसा पाणा वोच्छिजिहिन्ति थावरा पाणा भविस्सन्ति, थावरा पाणा वि वोच्छिजिहिन्ति तसा पाणा भविस्सन्ति । अवोच्छिन्नेहिं तसथावरेहिं पाणेहिं जंणं तुब्भे वा अन्नो वा एवं वदह-नत्थि णं से केइ परियाए जाव नो नेयाउए भवइ ॥ १३॥ __ भगवं च णं उदाहु आउसन्तो उदगा जे खलु समणं वा माहणं वा परिभासेइ मित्ति मन्नन्ति आगमित्ता नाणं आगमित्ता दंसणं आगामित्ता चरित्तं पावाणं कम्माणं अकरणयाए से खलु परलोगपलिमन्थत्ताए चिट्टइ, जे खलु समणं वा माहणं वा नो परिभासइ मित्ति मन्नन्ति आगमित्ता णाणं आगमित्ता दंसणं आगमित्ता चरित्तं पावाणं कम्माणं अकरणयाए से खलु परलोगविसुद्धीए चिट्टइ। तए णं से उदए पेढालपुत्ते भगवं गोयमं अणाढायमाणे जामेव दिसिं पाउब्भूए तामेव दिसिं पहारेत्थ गमणाए । भगवं च णं उदाहु आउसन्तो उदगा जे खलु तहाभूयस्स समणस्स वा माहणस्स वा अन्तिए एगमवि आरियं धम्मियं सुवयणं सोचा निसम्म अप्पणो चेव सुहुमाए पडिलेहाए अणुत्तरं जोगखेमपयं लम्भिए समाणे सो वि ताव तं आढाइ परिजाणेइ वन्दइ नमसइ सक्कारेइ सम्माणेइ जाव कल्लाणं मंगलं देवयं चेइयं पञ्जुवासइ । तए णं से उदए पेढालपुत्ते भगवं गोयमं एवं वयासी-एएसिं णं भन्ते पदाणं पुचि अन्नाणयाए असवणयाए अबोहिए अणभिगमेणं अदिहाणं असुयाणं अमुयाणं अविनायाणं अब्बोगडाणं अविगूढाणं आवच्छिन्नाणं अणिसिहाणं अणिवूढाणं अणुवहारियाणं एयमदं नो सदहियं नो पत्तिय नो रोइयं । एएसिं णं भन्ते पदाणं एण्हि जाणयाए सवणयाए बोहिए जाव उवहारणयाए एयमदं सद्दहामि पत्तियामि रोएमि एवमेव से
| SR No. | 002352 |
| Book Title | Suyagadam Part 01 |
| Original Sutra Author | N/A |
| Author | P L Vaidya |
| Publisher | Motilal Sheth |
| Publication Year | 1928 |
| Total Pages | 158 |
| Language | Sanskrit |
| Classification | Book_Devnagari & agam_sutrakritang |
| File Size | 10 MB |