Page Text
________________
१२६
सूयगडम्मि [2. 7. 10. 15ते पाणा वि वुच्चान्त, ते तसा वि वुच्चन्ति, ते महाकाया ते चिरहिइया । ते बहुयरगा पाणा जेहिं समणोवासगस्स सुपच्चक्खायं भवइ । ते अप्पयरगा पाणा जेहिं समणोवासगस्स अपच्चक्खायं भवइ । से महया तसकायाओ उवसन्तस्स उवडियस्स पडिविरयस्स जं णं तुम्भे वा अन्नो वा एवं वयह-नत्थि णं से केइ परियाए जसि समणोवासगस्स एगपाणाए वि दण्डे निक्खित्ते । अयं पि भेद से नो नेयाउए भवइ ॥१०॥
भगवं च णं उदाहु नियण्ठा खलु पुच्छियव्वा । आउसन्तो नियण्ठा इह खलु सन्तेगइया मणुस्सा भवन्ति । तेसिं च एवं वुत्तपुव्वं भवइ-जे इमे मुण्डे भवित्ता अगाराओ अणगारियं पव्वइए एसिं च णं आमरणन्ताए दण्डे निक्खित्ते । जे इमे अगारमावसन्ति एएसिं गं आमरणन्ताए दण्डे नो निक्खित्ते । केई च णं समणा जाव वासाइं चउपञ्चमाई छहदसमाई अप्पयरो वा भुजयरो वा देसं दुइजित्ता अगारमावसेजा ? हता-वसेजा । तस्स णं तं गारत्थं वहमाणस्स से पच्चक्खाणे भङ्गे भवइ ? नो इणहे समहे । एवमेव समणोवासगस्स वि तसेहिं पाणेहिं दण्डे निक्खित्ते, थावरेहिं पाणेहिं दण्डे नो निक्खित्ते । तस्स णं तं थावरकायं वहमाणस्स से पच्चक्खाणे नो भङ्गे भवइ । से एवमायाणह ? नियण्ठा । एवमायाणियव्वं ॥ भगवं च णं उदाह नियण्ठा खलु पुच्छियव्या-आउसन्तो नियण्ठा इह खलु गाहावई वा गाहावइपुत्तो वा तहप्पगारेहिं कुलेहिं आगम्म धम्मं सवणवत्तियं उवसंकमेजा ? हन्ता उवसंकभेजा । तेसिं च णं तहप्पगाराणं धम्मं आइक्खियव्वे? हन्ता आइक्खियव्वे । किं ते तहप्पगारं धम्मं सोचा निसम्म एवं वएजाइणमेव निग्गन्थं पावयणं सच्चं अणुत्तरं केवलियं पडिपुण्णं संसुद्धं नेयाउयं सल्लकत्तणं सिद्धिमग्गं मुत्तिमग्गं निजाणमग्गं निव्वाणमग्गं अवितहमसंदिद्धं सव्वदुक्खप्पहीणमग्गं । एत्थ ठिया जीवा सिज्झन्ति बुज्झन्ति मुच्चन्ति परिणिव्यायन्ति सव्वदुक्खाणमन्तं करोन्त । तमाणाए तहा गच्छामो तहा चिट्ठामो तहा निसीयामो तहा तुयट्टामो तहा भुञ्जामो
| SR No. | 002352 |
| Book Title | Suyagadam Part 01 |
| Original Sutra Author | N/A |
| Author | P L Vaidya |
| Publisher | Motilal Sheth |
| Publication Year | 1928 |
| Total Pages | 158 |
| Language | Sanskrit |
| Classification | Book_Devnagari & agam_sutrakritang |
| File Size | 10 MB |