Page Text
________________
१२४
· सूयगडाम्म
2. 7. 6. 1• एवं ण्हं पञ्चक्खन्ताणं सुपञ्चक्खायं भवइ । एवं हं पञ्चक्खावेमाणाणं सुपचक्खावियं भवइ । एवं ते परं पञ्चखावेमाणा नाइयरन्ति सयं पइण्णं नन्नत्थ अभियोगेणं गाहावइचोरग्गहणविमोक्खणयाए तसभूएहिं पाणेहिं निहाय दण्डं । एवमेव सइ भासाए परक्कमे विजमाणे जे ते कोहा वा लोहा वा परं पञ्चक्खान्ति अयं पि नो उवएसे नो नेयाउए भवइ । अवियाइ आउसो गोयमा तुन्भं पि एवं रोयइ ? ॥६॥ ., सवायं भगवं गोयमे उदयं पेढालपुत्तं एवं वयासी-आउसन्तो उदगा, नो खलु अम्हे एयं रोयइ । जे ते समणा वा माहणा वा एवमाइक्खन्ति जाव परूवेन्ति नो खलु ते समणा वा निग्गन्था भासं भासन्ति, अणुतावियं खलु ते भासं भासन्ति, अभाइक्खन्ति खलु ते समणे समणोवासए वा जेहिं पि अन्नेहिं जीवेहिं पाणेहिं भूएहिं सत्तेहिं संजमयन्ति ताण वि ते अब्भाइक्खन्ति । कस्स णं तं हेउं ? संसारिया खलु पाणा, तसा वि पाणा थावरत्ताए पञ्चायन्ति थावरा वि वा पाणा तसत्ताए पञ्चायन्ति तसकायाओ विप्पमुच्चमाणा थावरकायंसि उववजन्ति, थावरकायाओ विप्पमुच्चमाणा तसकायंसि उववजन्ति, तेसिं च णं तसकायंसि उववन्नाणं ठाणमेयं अघत्तं ॥७॥ ___ सवायं उदए पेढालपुत्ते भगवं गोयमं एवं वयासी-कयरे खलु ते आउसन्तो गोयमा तुब्भे वयह तसा पाणा तसा आउ अन्नहा ? सवायं भगवं गोयमे उदयं पेढालपुत्तं एवं वयासी-आउसन्तो उदगा जे तुब्भे वयह तसभूया पाणा तसा ते वयं वयामो तसा पाणा, ये वयं वयामो तसा पाणा ते तुब्भे वयह तसभूया पाणा । एए सन्ति दुवे ठाणा तुल्ला एगहा। किमाउसो इमे भे सुप्पणीयतराए भवइ तसभूया पाणा तसा, इमे भे दुप्पणीयतराए भवइ-तसा पाणा तसा । तओ एगमाउसो पडिकोसह एकं अभिनन्दह । अयं पि भेदो से नो नेयाउए भवइ । भगवं च णं उदाहु-सन्तेगइया मणुस्सा भवन्ति, तेसिं च जं एवं वुत्तपुव्वं भवइ-नो खलु वयं संचाएमो मुण्डा भवित्ता अगाराओ अणगारियं पव्वइत्तए । सावयं ण्हं
| SR No. | 002352 |
| Book Title | Suyagadam Part 01 |
| Original Sutra Author | N/A |
| Author | P L Vaidya |
| Publisher | Motilal Sheth |
| Publication Year | 1928 |
| Total Pages | 158 |
| Language | Sanskrit |
| Classification | Book_Devnagari & agam_sutrakritang |
| File Size | 10 MB |