________________
११२
सूयगडम्मि [2. 3. 2. 21तत्थ खलु भगवया वहए दिइन्ते पण्णत्ते । से जहानामए-वहए सिया गाहावइस्स वा गाहावइपुत्तस्स वा रण्णो वा रायपुरिसस्स वा खणं निदाय पविसिस्सामि खणं लभ्रूणं वहिस्सामि पहारेमाणे से किं नु हु नाम से वहए तस्स गाहावइस्स वा गाहावइपुत्तस्स वा रण्णो वा रायपुरिसस्स वा खणं निद्दाय पविसिस्सामि खणं लद्धण वहिस्सामि पहारमाणे दिया वा राओ वा सुत्ते वा जागरमाणे आमित्तभूए मिच्छासंठिए निचं पसढविडवायचित्तदण्डे भवइ ? एवं वियागरेमाणे समियाए वियागरे चोयए-हंता भवइ । आचार्य आह-जहा से वहए तस्स गाहावइस्स वा तस्स गाहावइपुत्तस्स वा रप्णो वा रायपुरिसस्स वा खणं निदाय पविसिस्सामि खणं लद्रूण वहिराति ति पहारेमाणे दिया वा राओ वा.सुत्ते वा जागरमाणे वा अभित्तभूए लिच्छासंठिए निचं पसढविउवायचित्तदण्डे, एवमेव बाले वि सव्वेसिं पाणाणं जाव सव्वेसिं सत्ताणं दिया वा राओ वा सुत्ते वा जागरमाणे वा अमित्तभूए मिच्छासंठिए निचं पसढविउवायाचित्तदण्डे । तं जहा-पाणाइवाए जाव मिच्छादसणसल्ले । एवं खलु भगवया अक्खाए असंजए अविरए अप्पडिहयपञ्चक्खायपावकम्मे सकिरिए असंवुडे एगन्तदण्डे एगन्तवाले एगन्तसुत्ते यावि भवइ । से बाले आवयारमणवयणकायवक्के सुविणमवि न पस्ताइ पावे य से कम्मे कजइ । जहा से वहए तस्स वा गाहावइस्स जाव तस्स वा रायपुरिसस्स पत्तेयं पत्तेयं चित्तसमादाए दिया वा राओ वा सुत्ते वा जागरमाणे वा अमित्तभूए मिच्छासंठिए निचं पसढविउवायचित्तदण्डे भवइ, एवमेव वाले सव्वेसिं पाणाणं जाव सव्वेसिं सत्ताणं पत्तेयं पतेयं चित्तसमादाए दिया वा राओ वा सुत्ते वा जागरमाणे वा आमत्तभूए मिच्छासंठिए निचं पसढविउवायचित्तदण्डे भवइ ॥२॥
नो इणट्टे समठे [ चोयए ] । इह खलु बहवे पाणा० जे इमेणं सरीरसमुस्सएणं नो दिट्टा वा सुया वा नाभिमया वा विनाया वा जेसिं
