________________
१०८
सूयगडम्मि [2. 3. 15. 43अवरे वि य णं तेसिं नाणाविहाणं खहचरपश्चिन्दियतिरिक्खजोणियाणं चम्मपक्तीणं जाव अक्खायं ॥ १५ ॥
अहावरं पुरक्खायं इहेगइया सत्ता नाणाविहजोणिया नाणाविहसंभवा नाणाविहवुकमा तजोणिया तस्संभवा तदुवकमा कम्मोवगा कम्मनियाणणं तत्थवुकमा नाणाविहाणं तसथावराणं पोग्गलाणं सरीरेसु वा सचित्तेसु वा अचित्तेसु वा अणुसूयत्ताए विउट्टान्त । ते जीवा तेसिं नाणाविहाणं तसथावराणं पाणाणं सिणेहमाहरोन्त । ते जीवा आहारेन्ति पुढविसरीरं जाव सन्तं । अवरे वि य णं तेसिं तसथावरजोणियाणं अणुसूयगाणं सरीश नाणावण्णा जाव मक्खायं । एवं दुरूवसंभवत्ताए । एवं खुरदुगत्ताए ॥ १६ ॥
अहावरं पुरक्खायं इहेगइया सत्ता नाणाविहजोणिया जाव कम्मनियाणेणं तत्थवुकमा नाणाविहाणं तसथावराणं पाणाणं सरीरेसु सचित्तेसु वा अचित्तेसु वा तं सरीरगं वायसंसिद्धं वा वायसंगहियं वा वायपरिग्गहियं उड्डयाएसु उहभागी भवइ, अहेवाएसु अहेभागी भवइ, तिरियवाएसु तिरियभागी भवइ । तं जहा-ओसा हिमए महिए करए हरतणुए सुद्धोदए । ते जीवा तेसिं नागाविहाणं तसथावराणं पागाणं सिणेहमाहान्ति । ते जीवा आहारेन्ति पुढविसरीरं जाव सन्तं । अबरे वि य णं तेसिं तसथावरजोणियाणं ओसाणं जाव सुद्धोदगाणं सरीरा नाणावण्णा जावमक्खायं । अहावरं पुरक्खायं इहेगइया सत्ता उदगजोणिया उदगसंभवा जाव कम्मनियागेणं तत्थवुकमा तसथावरजोगिएसु उदएसु उदगत्ताए विउन्ति । ते जीवा तेसिं तसथावरजोणियाणं उदगाणं सिणेहमाहारोन्त । ते जीवा आहारोन्त पुढविसरीरं जाव सन्त । अवरे वि य णं तेसिं तसथावरजोणियागं उदगाणं सरीरा नाणावण्णा जाव मक्खायं । अहावरं पुरक्खायं इहेगइया सता उदगजोणियाणं जाव कम्मनियाणेणं तत्थवुक्कमा उदगजोगिएसु उदएसु उदगत्ताए विउट्टन्ति
