________________
१००
सूयगडम्मि [2. 2. 26. 32पमाणे पतेयं समोसरणे । तत्थ णं जे ते समणा माहगा एवमाइक्खन्ति जाव परूवेन्ति । सव्वे पाणा सव्वे भूया सव्वे जीवा सव्वे सत्ता न हन्तव्वा न अजावेयव्वा न परिघेयव्या न उद्दवेयव्वा ते नो आगन्तुच्छेयाए ते नो आगन्तुभेयाए जाव जाइजरामरणजोगिजम्मगसंसारपुणब्भवगम्भवासभवपवंचकलंकलीभागिणो भविस्सन्ति, अणाइयं च णं अगवयग्गं दीहमद्धं चाउरन्तसंसारकन्तारं भुजो भुजो नो अगुपरियट्टिस्सन्ति, ते सिज्झिस्पन्ति जाव सबदुक्खाणं अन्तं करिस्सन्ति ॥२६॥ ___ इच्चेएहिं बारसहिं किरियाठाणेहिं वट्टमाणा जीवा नो सिझिसु नो बुझिसु नो मुचिंसु नो परिणिव्वाइंसु जाव नो सव्वदुक्खाणं अन्तं करेंसु वा नो करेन्ति वा नो करिस्सन्ति वा । एयंसि चेव तेरसमे किरियाठाणे वट्टमाणा जीवा सिझिसु बुझिंसु मुश्चिंसु परिणिव्वाइंसु जाव सबदुक्खाणं अन्तं करेंसु वा करान्त वा करिस्सन्ति वा । एवं से भिक्खू आयट्ठी आयहिए आयगुत्ते आयजोगे आयपरक्कमे आयरक्खिए आयाणुकम्पए आयणिफेडए आयाणमेव पडिसाहरेजासि ति बेमि ॥२७॥
किरियाठाणज्झयणं विइयं
आहारपरिनज्झयणे तइये
2. 3.
सुयं मे आउसं तेणं भगवया एवमक्खायं । इह खलु आहारपरिन्ना नामज्झयणे तस्स णं अयमहे । इह खलु पाईणं वा ४ सवओ सव्वावन्ति य णं लोगंसि चत्तारि बयिकाया एवमाहिञ्जन्ति । तं जहाअग्गबीया मूलबीया पोरबीया खन्धबीया । तेसिं च णं अहावीएणं अहावगासेणं इहेगइया सत्ता पुढवीजोणिया पुढवीसंभवा पुढवीवुकमा
