________________
किञ्चित्प्रास्ताविकम् इह जगति सर्वेऽपि प्राणिनः सुखाभिलाषिणः । व्याबाधारहितसुखप्राप्तिः किल मोक्ष एव । तदवाप्त्युपायभूतमपास्तसर्वतीर्थान्तरीयमतकर्दमं सर्वदर्शनप्रासादशिखरकलशायमानमनेकान्तसिद्धान्तात्मकं जिनमतम् ।
अस्य जिनमतस्य प्ररुपणा प्राच्यन्यायशैल्यां आचार्यश्रीहरिभद्रसूरीश्वरसिद्धसेनदिवाकरसूरीश्वर-वादिदेवसूरीश्वर-मल्लवादिक्षमाश्रमण-मल्लिषेणसूरिप्रमुखैः कृता । नव्यन्यायशैल्यां तु महोपाध्याय श्रीयशोविजयवाचकैः कृता । तेषां नव्यन्यायाधिपत्यं तु स्याद्वादरहस्य-वादमाला शास्त्रवार्तासमुच्चयादिग्रन्थेषु स्पष्टम् । साङ्गोपाङ्गजैनदर्शनाध्येतृणामेषा रुचि र्भवति । यदुत महोपाध्यायप्रवराणां ग्रन्थानां वयं रहस्यं प्राप्नुयाम | साध्यग्रन्था ह्येते । तेषां सोपानसदृशाः साधनग्रन्थाः पुनः सन्ति बहवः । तेषु व्याप्तिपञ्चकग्रन्थोऽपि शोभते । . पूज्यपादकलिकुण्डतीर्थोद्धारक-आचार्यश्रीराजेन्द्रसूरीश्वराणां शिष्यरत्नाः पन्न्यासप्रवरश्रीराजपद्मविजयाः तेषां पुनः शिष्याः मुनिप्रवरश्री राजधर्मविजयाः तैः दशवर्षदीक्षापर्यायमध्ये प्रयास एष समीचिनः कृतः । ते शतशः साधुवादार्हाः । अनुमोदयामि तेषां स्वाध्यायरसम् । तैः ग्रन्थ संशोधनं ग्रन्थप्रस्तावना च मार्गिता । व्यस्ततावशादेकमेव कार्यं कर्तुमशक्नवम् । तच्च कृत्यं प्रस्तावना-लेखनम् ।।
अवच्छेदकावच्छिन्नप्रतियोगितानुयोगिताविषयताविषयिता निरूपकता निरूपिततादिपरिभाषासंगोपिताङ्गनव्यन्याय दूर्गेऽध्येतॄणां प्रवेशः सरलीभूतःस्यात्ततः पूज्यपादमत्पगुरु न्यायविशारदाचार्यदेव
