________________
कम्मायके सिआ, तत्थ से सुक्कपक्खिए पुरिसे धम्मपडिबंधाओ एवं समालोचिअ - ‘विणस्संति एए अवस्सं सम्मत्ताइओसहविरहेण, तास संपाडणे विभासा, कालसहाणि अ एआणि ववहारओ, तहा संतुविअ संहविअ इहलोगचंताए तेसिं सम्मत्ताइओसहनिमित्तं विसिट्ठगुरुमाइभावेण, सवित्तिनिमित्तं च किच्चकरणेण, चयमाणे संजमपडिवत्तीए साहुसिद्धीए । एस चाए अचाए, तत्तभावणाओ। अचाए चेव चाए, मिच्छाभावणाओ । तत्तफलमित्थ पहाणं परमत्थओ । धीरा एअदंसिणो आसन्नभव्वा। स ते सम्मत्ताइओसहसंपाडणेण जीवाविज्जा, अचंतिअं अमरणावंज्झबीअजोगेणं संभवाओ। सुपुरिसोचिअमेअं; दुप्पडिआराणि अ अम्मापिईणि । एस धम्मो सयाणं। भगवं इत्थ नायं परिहरमाणे अकुसलाणुबंधि अम्मापिइसोगंति ।
एवमपरोवतावं सब्यहा सुगुरुसमीवे, पूइत्ता भगवंते वीअरागे साहू अ, तोसिऊण विहवोचिरं किवणाई, सुप्पउत्तावस्सए सुविसुद्धनिमित्ते समहिवासिए विसुज्झमाणो महया पमोएणं सम्मं पव्वइज्जा लोअवम्मे हितो लोगुत्तरधम्मगमणेण । एसा जिणाणमाणा महाकल्लाणत्ति न विराहिअव्या बुहेणं, महाणत्थभयाओ सिद्धिकंखिणा ।।
इति पव्वज्जागहणविहिसुत्तं सम्मत्तं ॥३॥
४. अथ पव्वज्जापरिपालणासुतं स एवमभिपव्वइए समाणे सुविहिभावओ किरिआफलेण जुज्जह विसुद्धचरणे महासत्ते । न विवज्जयमेइ । एअ अभावेऽभिप्पेअसिद्धी उवायपवित्तीओ । नाविवज्जत्थोगुवाए पयट्टइ । उवाओ अ साहगो निअमेण, तस्स तत्तचाओ; अण्णहा अइप्पसंगाओ; निच्छयमयमेअं;
