________________
॥२४॥ विणओ सव्वगुणाणं मूलं सन्नाणदंसणाईणं । मोक्खस्स य ते मूलं तेण विणीओ इह पसत्थो ॥२५॥ बहु मन्नइ धम्मगुरु परमुवयारित्ति तत्तबुद्धीए। तत्तो गुणाण वुड्ढी गुणारिहो तेणिह कयन्नू ॥२६॥ परहियनिरओ धन्नो सम्मं विनायधम्मसम्भावो । अन्नेवि ठवइ मग्गे निरीहचित्तो महासत्तो ॥२७॥ लक्खेड़ लद्धलक्खो सुहेण सयलंपि धम्मकरणिज्जं । दक्खो सुसासणिजो तुरियं च सुसिक्खिओ होइ॥२८|एए इगवीसगुणा सुयाणुसारेण किंचि वक्खाया । अरिहंति धम्मरयणं घेत्तुं एएहि संपन्ना ॥२९।। पायद्धगुणविहीणा एएसिं मज्झमा वरा नेया । ऐत्तो परेण हीणा दरिदपाया मुणेयव्वा ।।३०।। धम्मरयणस्थिणा तो पढमं एयजणंमि जइयव्यं । जं सुद्धभूमिगाए रेहइ चित्तं पवित्तंपि ॥३१।। सड़ एयंमि गुणोहे संजायइ भावसावयत्तंपि । तस्स पुण लक्खणाई एयाइं भणंति सुहगुरुणो ॥३२॥ कयवयकम्मो तह सीलवं च गुणवं च "उज्जुवबहारी । गुरुसुस्सूसो पवयणकुसलो खलु सावगो भावे ॥३३॥ तत्थायन्नणजाणणगिण्हणपडिसेवणेसु उज्जुत्तो। कयवयकम्मो चउहा *भावत्थो तस्सिमो होइ ॥३४॥ विणयबहुमाणसारं गीयत्थाओ करेइ वयसवणं। भंगयभेयइयारे वयाण सम्मं वियाणाइ ॥३५।। गिण्हइ गुरूण मूले इत्तरमियरं व कालमह ताई। आसेवइ थिरभावो आयंकुत्रसग्गसंगेवि ॥३६।। *आययणं खु निसेवइ वज्जइ परगेहपविसणमकज्जे। निश्चमणुब्भडवेसो न भणइ सवियारवयणाइं ॥३७॥ परिहरइ बालकीलं साहइ कज्जाइँ महुरनीईए । इय छव्विहसीलजुओ विन्नेओ सीलवंतोत्थ ॥३८॥ आययणसेवणाओ दोसा झिज्जंति वड्ढइ गुणोहो । परगिहगमणंपि कलंकपंकमूलं सुसीलाणं ॥३९॥ सहइ पसंतो धम्मी उन्भडवेसो न सुंदरो तस्स । सवियारजंपियाई नूणमुईरंति रागरिंग ॥४०॥ बालिसजणकीलावि हु लिंगं मोहस्सणत्थदंडाओ । फरुसवयणाभिओगो
