________________
' सुबाहू "एवं खलु, जम्बू
तेणं कालेणं तेणं समएणं हथिसीसे नाम नयरे होत्था रिद्ध° [०] । तत्थ णं हथिसोसस्स बहिया उत्तरपुरत्थिमे दिसीभाए एत्थ णं पुप्फकरण्डए नामं उज्जाणे होत्था सव्वोउय° [0]। तत्थ णं कयवणमालपियस्स जक्खस्स जक्खाययणे होत्था दिव्वे [0] । तत्थ णं हथिसीसे नयरे अदीणसत्तू नाम राया होत्था महया' []। तस्स णं अदीणसत्तुस्स रन्नो धारिणीपामोक्खा देवीसहस्सं ओरोहे यावि होत्था ॥
तए णं सा धारिणी देवी अन्नया कयाइ तंसि तारिसगंसि वासघरंसि सीहं सुमिणे पासइ, जहा मेहस्स जम्मणं तहा भाणियव्वं [जाव] सुबाहुकुमारे । अलंभोगसमत्थं वा जाणन्ति, २ अम्मापियरो पञ्च पासायडिंसगसयाई कारवेन्ति अब्भुग्गय ° [0] भवणं, एवं जहा महाबलस्स रन्नो नवरं पुप्फचूलापामोक्खाणं पञ्चण्हं रायवरकन्नयसयाणं एगदिवसेणं पाणि गिण्हावेन्ति । तहेव पञ्चसइओ दाओ, [जाव] उप्पि पासायवरगए फुट्टमाणेहिं [जाव] विहरइ ॥
तेणं कालेणं तेणं समएणं समणे भगवं महावीरे समोसढे । परिसा निग्गया । अदीणसत्तू , जहा कूणिओ निग्गओ। सुबाहू वि जहा जमाली तहा रहेणं निग्गए, [जाव] धम्मो कहिओ । रायपरिसा गया ॥
तए णं से सुबाहुकुमारे समणस्स भगवओ [0] अन्तिए धम्म सोच्चा निसम्म हहतुढे उठाए उठेइ, [ जाव ] एवं वयासी, “सदहामि णं, भन्ते, निग्गन्थं पावयणं । जहा णं देवाणुप्पियाणं अन्तिए बहवे राईसर [जाव] अहं णं देवा
