________________
६१
सोरियदत्ते [६] सोरियमच्छियस्स मच्छकण्टयं गलाओ नीहरित्तए, तस्स णं सोरियदत्ते विउलं अत्थसंपयाणं दलयइ ” । तए णं ते कोडुम्बियपुरिसा [जाव उग्रोसेन्ति ॥ . तए णं ते बहवे वेज्जा य [६] इमेयारूवं उग्घोसणं उग्घोसिज्जमाणं निसामेन्ति । २ जेणेव सोरियदत्तस्स गेहे 5 जेणेव सोरियमच्छन्धे, तेणेव उवागच्छन्ति । २ बहूहिं उप्पत्तियाहिं [४] बुद्धीहि य परिणममाणा वमणेहि य छड्डणेहि य ओवीलणेहि य कवलग्गाहेहि य सल्लुद्धरणेहि य विसलकरणेहि य इच्छन्ति सोरियमच्छन्धे मच्छकण्टयं गलाओ नीहरित्तए, नो संचाएन्ति नीहरित्तए वा विसोहित्तए वा । 10 तए णं ते बहवे वेज्जा य [६] जाहे नो संचाएन्ति सोरियस्स मच्छकण्टगं गलाओ नोहरित्तए, ताहे सन्ता [ जाव ] जामेव दिसिं पाउब्भूया तामेव दिसिं पडिगया । तए णं से सोरियदत्ते मच्छन्धे पडियारनिविण्णे तेणं दुक्खेणं अभिभूए सुक्के [जाच] विहरइ । “एवं खलु, गोयमा, सोरिय- I5 दत्ते पुरापोराणाणं [ जाव ] विहरइ" ॥
"सोरिए णं, भन्ते, मच्छन्धे इओ कालमासे कालं किच्चा कहिं गच्छिहिद, कहिं उववज्जिहिइ ? " ॥
“ गोयमा, सत्तरि वासाइं परमाउयं पालइत्ता कालमासे कालं किच्चा इमीसे रयणप्पभाए पुढवीए [.! संसारोतहेव, 20 पुढवी । हत्थिणाउरे नयरे मच्छत्ताए उववन्ने । से णं तओ मच्छिएहिं जीवियाओ ववरोविए तत्थेव सेट्टिकुलंसि [0] बोहिं [०], सोहम्मे कप्पे [0] महाविदेहे वासे सिज्झिहिइ" ॥
॥ मिक्खेवो ॥
