________________
उम्बरदत्ते
५५ कारं उवणेइ, २ पुक्खरिणिं ओगाहेइ, २ जलमजणं करेइ, २ जलकीडं करेमाणी पहाया कयकोउयमङ्गलपायच्छित्ता उल्लपडसाडिया पुक्खरिणीओ पच्चुत्तरइ,२ तं पुष्फ° [0] गिण्हइ, २ जेणेव उम्बरदत्तस्स जक्खस्स जक्खाययणे तेणेव उवागच्छइ, २ उम्बरदत्तस्स जक्खस्स आलोए पणामं करेइ, २ 5 लोमहत्थं परामुसइ, उम्बरदत्तं जक्खं लोमहत्थेणं पमन्जइ, २ दगधाराए अब्भुक्खेइ, २ पम्हल° [०] गायलट्ठी ओलूहेइ, २ सेयाई वत्थाई परिहेइ, २ महरिहं पुप्फारुहणं मल्लारुहणं गन्धारुहणं चुणारुहणं करेइ, २ धुवं डहइ, २ जन्नुपायवडिया एवं वयइ, “ जइ णं अहं, देवाणुप्पिया, दारगं वा दा. 10 रियं वा पयामि, तो णं [0] " [ जाव ] ओवाइणइ । २ जामेव दिसिं पाउब्भूया तामेव दिसिं पडिगया ॥
तए णं से धन्नन्तरी वेज्जे ताओ नरयाओ अणन्तरं उव्वट्टित्ता इहेव जम्बुद्दीवे दीवे पाडलसण्डे नयरे गङ्गदत्ताए भारियाए कुच्छिसि पुत्तत्ताए उववन्ने । तए णं तीसे गङ्ग- 15 दत्ताए भारियाए तिण्हं मासाणं बहुपडिपुण्णाणं अयमेयारूवे दोहले पाउब्भूए । “धन्नाओ णं तामओ [ जाव ]°फले, जाओ णं विउलं असणं पाणं खाइमं साइमं उवक्खडावेन्ति, २ बहूहिं [ जाव ] परिखुडाओ तं विउलं असणं पाण खाइम साइमं सुरं च [६] पुप्फ' [जाव गहाय पाडलसण्डं नयरं 20 मज्झमज्झेणं पडिनिक्खमन्ति, २ जेणेव पुक्खरिणी तेणेव उवागच्छन्ति, २ ओगाहेन्ति, २ पहाया [जाव] पायच्छित्ताओ तं विउलं असणं [४] बहूहिं मित्तनाइ° [जाव] सद्धिं आसाएन्ति, २ दोहलं विन्ति "। एवं संपेहेइ, २ कल्लं [जाव] जलन्ते जेणेव सागरदत्ते सत्थवाहे तेणेव उवागच्छइ । २ 25 सागरदत्तं सत्थवाहं एवं वयासी, "धन्नाओ णं ताओ [जाव]
