________________
उम्बरदत्ते । सागरदत्ते सत्थवाहे होत्था अड्डे [0] । गङ्गदत्ता भारिया । तस्स सागरदत्तस्स पुत्ते गङ्गदत्ताए भारियाए अत्तए उम्बरदत्त नाम दारए होत्था अहीण° [जाव] °पश्चिन्दियसरीरे॥
तेणं कालेणं तेणं समएणं समणे भगवं [0] समोसरण, [जाव] परिसा पडिगया ॥
तेणं कालेणं तेणं समएणं भगर्व गोयमे, तहेव जेणेव पाडलसण्डे नवरे तेणेव उवागच्छइ । २ पाडलसण्डं नयरं पुरथिमिल्लेणं दुवारेणं अणुप्पविसइ । २ तत्थ ण पासइ एगं पुरिसं कच्छुल्लं कोढियं दोउयरियं भगंदरियं अरिसिल्लं कासिल्लं सासिल्लं सोगिलं सुयमुहसुयहत्थं सडियपाय- 10 ङ्गलियं सडियकण्णनासियं रसियाए य पूइएण य थिविथिवियवणमुहकिमिउत्तयन्तपगलन्तपूयरुहिरं लालापगलन्तकपणनातं अभिक्खणं २ पूयकवले य रुहिरकवले य किमियकवले य वममाणं कट्ठाई कलुणाई विसराइं कूयमाणं मच्छियाचडगरपहकरेणं अग्निज्जमाणमग्गं फुट्टहडाहडसीसं दण्डि- 15 खण्डवसणं खण्डमलगखण्डघडहत्थगयं गेहे २ देहबलियाए वित्ति कप्पेमाणं पासइ । तया भगवं गोयमे उच्चनीय [जाव] अडइ । २ अहापज्जत्तं [०] गेण्हइ, पाडलसण्डाओ पडिनिक्खमइ । २ जेणेव समणे भगवं [०] भत्तपाणं पडिदंसेइ समणेणं अब्भणुन्नाए समाणे [जाव] बिलमिव पन्नग- 20 भूएणं अप्पाणेण आहारमाहारेइ, संजमेणं तवसा अप्पाणं भावेमाणे विहरइ ॥
तए णं से भगवं गोयमे दोच्चं पिछडक्खमणपारणगंसि पढमाए पोरिसोए सज्झायं [जाव] पाडलिसण्डं नयरं दाहिणिल्लेणं दुवारेणं अणुप्पविसइ, तं चेव पुरिसं पासइ 25 कच्छुल्लं तहेव [जाव] संजमेणं तवसा [0] विहरइ ॥
