________________
उज्झियए
२३
सुणेन्ति, ते तहा हत्थनिक्खेवं च बाहिरभण्डसारं च गहाय एगन्ते अवकमन्ति । तए णं सा सुभद्दा सत्थवाही विजयमित्तं लवणसमुद्दे पोयविवत्तीए निब्बुड्डभण्डसारं कालधम्मुणा संजुत्तं सुणेइ । २ महया पइसोएणं अप्फुन्ना समाणी परसु. नियत्ता विव चम्पगलया धस त्ति धरणीयलंसि सवङ्गेण 5 संनिवडिया। तए णं सा सुभद्दा सत्थवाही मुहुत्तन्तरेण आसत्था समाणो बहूहि मित्त [जाव] परिवुडा रोयमाणी कन्दमाणी विलवमाणी विजयमित्तसत्थवाहस्स लोइयाई मयकिच्चाई करेइ । तए णं सा सुभदा सत्थवाही अन्नया कयाइ लवणसमुद्दोत्तरणं च लच्छिविणासं च पोयविणासं 10. च पइमरणं च अणुचिन्तेमाणी २ कालधम्मुणा संजुत्ता ॥
$ 13 तए णं ते नगरगुत्तिया सुभदं सत्थवाहि कालगयं जाणित्ता उज्झियगं दारगं सयाओ गिहाओ निच्छुभे. न्ति । २ तं गिहं अन्नस्स दलयन्ति । तए णं से उज्झियए दारए सयाओ गिहाओ निच्छुढे समाणे वाणियगामे नयरे 15. सिंघाडग° [जाव] °पहेसु जूयखेलएसु वेसियाघरेलु पाणागारेसु य सुहंसुहेणं परिवड्ढइ । तए णं से उज्झियए दारए अणोहट्टिए अणिवारिए सच्छन्दमई सहरप्पयारे म. ज्जप्पसङ्गो चोरजूयवेसदारप्पसङ्गी जाए यावि होत्था । तए णं से उज्झियए अन्नया कयाइ कामज्झयाए गणियाए सद्धिं 20. संपलग्गे जाए यावि होत्था। कामज्झयाए गणियाए सद्धिं विउलाई उरालाई माणुस्सगाई भोगभोगाई भुञ्जमाणे विहरइ । तए णं तस्स विजयमित्तस्स रन्नो अन्नया कयाइ सिरीए देवीए जोणिसूले पाउब्भूए यावि होत्था । नो संचाएइ विजयमित्ते राया सिरीए देवीए सद्धिं उरालाइं माणुस्सगाइ 25 भोगभोगाई भुञ्जमाणे विहरित्तए । तए णं से विजयमित्ते ।
