________________
उज्झियए
२१.
गरगोरुवा [जाव] वसभा य भीया [0] उव्विग्गा सव्वओ समन्ता विप्पलाइत्था । तए णं तस्स दारगस्स अम्मापियरो अयमेयारूवं नामधेज्ज करेन्ति “ जम्हा णं अम्हं इमेणं दारएणं जायमेत्तेणं चेव महया चिच्चीसद्देणं विघुढे विस्सरे आरसिए, तए णं एयस्त दारगस्त आरसियस सोच्चा 5 निसम्म हथिणाउरे बहवे नगरगोरूवा [जाव] भीया [४] सव्वओ समन्ता विप्पलाइत्था, तम्हा णं होउ अम्हं दारए . गोत्तालए नामेणं" । तए णं से गोत्तासए दारए उम्मुक्कबालभावे जाए याधि होत्था । तए णं से भीमे कुडग्गाहे अन्नया कयाइ कालधम्मुणा संजुत्ते । तए णं से गोत्तासे 10. दारए बहुएणं मित्तनाइनियगसयणसंबन्धिपरियणेणं सद्धिं संपरिवुडे रोयमाण कन्दमाणे विलवमाणे भीमस्स कुडग्गाहस्स नोहरणं करेइ । २ बहूई लोइयमयकिच्चाई करेइ । तए णं से सुनन्दे राया गोत्तासं दारयं अन्नया कयाइ सयमेव कुडग्गाहत्ताए ठाबेइ । तप णं से गोत्तासे दारए कुडग्गाहे 15 जाए यावि होत्था अहम्मिए [ जाव ] दुप्पडियाणन्दे । तए णं से गोतासे दारए कुडग्गाहित्ताए कल्लाकल्लिं अद्धरत्तियकालसमयंसि एगे अबीए संनद्धबद्धकवए [जाव] गहियाउहप्पहरणे सयाओ गिहाओ निग्गच्छइ । २ जेणेव गोमण्डवे तेणेव उवागच्छइ । २ बहूणं नगरगोरूवाणं सणाहाण य 20 [जाव] वियङ्गेइ । २ जेणेव सए गेहे तेणेव उवागए । तर णं से गोत्तासे कुडग्गाहे तेहिं बहूहिं गोमंसेहि य सोल्लेहि य सुरं च [६] आलाएमाणे विसाएमाणे [जाव] विहरइ । तए णं से गोत्तासे कुडग्गाहे एयकम्मे [६] सुबहुं पावकम्मं समज्जिणित्ता पश्चवाससयाई परमाउयं पालयित्ता अदृदुहट्टोव- 25 गए कालमासे कालं किच्चा दोच्चाए पुढवीए उक्कोसं तिसा. गरोवमठिइएसु नेरइएसु नेरइयत्ताए उववन्ने ॥
