________________
विवागसुयंसि याणन्दे । से णं इकाई रहकुडे विजयवद्धमाणस्ल खेडस्स पञ्चण्हं गामसयाणं आहेवच्चं [जाव] पालेमाणे विहरइ ।
तए णं से इक्काई विजयवद्धमाणस्स खेडस्स पञ्च गामसयाई बहू करेहि य भरेहि य विद्धीहि य उक्कोडाहि य 5 पराभवेहि य देज्जेहि य भेज्जेहि य कुन्तेहि य लंछपोसेहि य
आलोवणेहि य पन्थकोहेहि य ओवीलेमाणे २ विहम्मेमाणे २ तज्जेमाणे २ तालेमाणे २ निद्धणे करेमाणे २ विहरइ ।
तए णं से इक्काई रकुडे विजयवद्धमाणस्त खेडस्स बहूणं राईसरतलवरमाडंबियकोडंबियसेडिसत्यवाहाणं अन्नेति च 10 बहूणं गामेल्लग्गपुरिसाणं वहूसु कज्जेसु य कारणेसु य मन्तेतु
य गुज्झे सु य निच्छरसु य ववहारेसु य सुणमाणे भणइ 'न सुणेमि', असुणमाणे भणइ 'सुमि' । एवं पस्समाणे भासमाणे गिण्हमाणे जाणमाणे ॥
तए णं से इकाई रडकुडे एयकम्मे एयपहाणे एयविज्जे एयसमायारे सुबहुं पावकम्मं कलिकलुसं समज्जिणमाणे विहरइ । तए णं तस्स इकाइयस्स रहकुडस्स अन्नया कयाइ सरीरगंसि जमगलमगमेव सोलल रोगायङ्का पाउभूया । तं जहा,
सासे कासे जरे दाहे कुच्छिलसूरे भगंदरे । अरिसा अजीरए दिट्ठीमुद्धसूले अकारए । अच्छिवेयणा कण्णवेयणा कण्डू उयरे कोढे ॥
तए णं से इक्काई रडकुडे सोलसहि रोगायङ्केहिं अभिभूए समाणे कोडुम्बियपुरिसे सदावेइ। २ एवं वयासी।" गच्छह
णं तुभे, देवाणुप्पिया, विजयवद्धमाणे खेडे सिंघाडगतिग25 चउक्वचच्वरमहापहपहेसु महया महया सद्देणं उग्घोसेमाणा
20
