________________
सिग्घमवहरउ-स्तोत्र
१७
निद्दलिय-दुरिय-विंदो, धरणिंदो हरउ दुरिआई ||४|| गोमुह-पमुक्ख जक्खा, पडिहय-पडिवक्ख-पक्ख-लक्खा ते। कय-सगुण-संघ-रक्खा, हवंतु संपत्त-सिव-सुक्खा ||| अप्पडिचक्का-पमुहा, जिण-सासण-देवया य जिण पणया। सिद्धा-इया समेया, हवन्तु संघस्स विग्घहरा ||६|| सक्काएसा सच्चउर-पुरठ्ठिओ वद्धमाण-जिण-भत्तो। सिरिबम्भसन्ति-जक्खो, रक्खउ संघं पयत्तेणं ॥७॥ खित्त-गिहगुत्त-सन्ताण-देस-देवाहिदेवया ताओ । निव्वुइ-पुरपहिआणं, भव्वाण कुणंतु सुक्खाणि ||८| चक्केसरिचक्कधरा, विहिपह-रिउच्छिण्ण-कन्धरा धणियं । सिवसरणि-लग्ग-संघस्स, सव्वहा हरउ विग्घाणि ||९|| तित्थवइ-वद्धमाणो; जिणेसरो संगओ सुसंघेण । जिणचन्दोमयदेवो, रक्खउ जिण-वल्लहोपहु मं ॥१०|| सो जयउ वद्धमाणो, जिणेसरो दिणेसरो व्व हय-तिमिरो । जिणचंदाऽभयदेवा, पहुणो जिणवल्लहा जे अ ||११|| गुरुजिणवल्लह-पाए, अभयदेव-पहुत्त-दायगे वंदे। जिणचन्दजिणेसर-वद्धमाण-तित्थस्स वुड्डिकए ||१२|| जिणदत्ताणं सम्म मन्नन्ति कुन्ति जे य कारंति । मणसा वयसा वउसा, जयंतु साहम्मिआ ते वि ||१३|| जिणदत्त गुणे नाणाइणो सया जे धरन्ति धारिन्ति । दंसिअ-सिअ-वायपए, नमामि साहम्मिआ ते वि ||१४||
