________________
श्री लघु अजित-शान्ति-स्तोत्र
|१०|| णिचिअ-दुरिअ-दारूदित्त-झाणग्गि-जाला-परिगयमिव गोरं, चितिअं जाण रूवं । कणय-णिहस-रेहाकंति-चोरं करिज्जा, चिर-थिर-मिहलच्छि गाढ संथंभि अव्व ||११|| अडवि-णिवडियाणं पत्थिवुत्तासिआणं, जलहि लहरि-हीरं ताण गुत्ति-ट्ठियाणं। जलिअ-जलण-जाला लिंगिआणं च झाणं, जणयइ लहु संति संतिणाहाजिआणं ||१२|| हरि-करि-परिकिण्णं पक्क-पाइक्क-पुण्णं, सयलपुहवि-रज्जं छड्डिउं आणसज्जं। तणमिव पडिलग्गं जे जिणा मुत्तिमग्गं, चरण मणुप्पवण्णा इंतु ते मे पसण्णा ॥१३|| छण-ससि-वयणाहिं फुल्ल णित्तुप्पलाहिं, थण-भरणमिरीहिं मुट्टि गिज्झोदरीहिं। ललिअ-भुअलयाहिं पीण सोणित्थणाहिं, सय सुर-रमणीहिं वंदिया जेसि पाया ||१४|| अरिसकिडिम कुठ्ठ-गंठि-कासाइसार, खय-जरवण-लूआ-सास-सोसोदराणि। णह-मुह-दसणच्छिकुच्छि-कण्णाइ-रोगे, मह जिणजुअ-पाया सुप्पसाया हरंतु ||१५|| इअ गुरु-दुह-तासे पक्खिए चाउमासे, जिणवर-दुग-थुत्तं वच्छरे वा पवित्तं । पढह सुणह सिज्झाएह झाएह चित्ते, कुणह मुणह विग्धं जेण घाएह सिग्धं ||१६|| इय विजया-जिअसत्तु-पुत्त ! सिरि अजिअ जिणेसर ! तह अइरा-विससेण-तणय ! पंचम-चक्कीसर ! तित्थंकर सोलसम ! संति ! 'जिणवल्लह' संथुअ ! कुरु मंगल मम हरसु दुरिय मखिलंपि थुणंतह ||१७||
