________________
यदि पर्यायभेदेऽपि न भेदो वस्तुनो भवेत् । भिन्नपर्याययोर्न स्यात् स कुंभपटयोरपि ।।१६।।
१०
एकपर्यायाभिधेयमपि वस्तु च मन्यते । कार्यं स्वकीयं कुर्वाणमेवंभूतनयो ध्रुवम् ।।१७।।
यदि कार्यमकुर्वाणोऽपीष्यते तत्तया स चेत् । तदा पटेऽपि न घटव्यपदेशः किमिष्यते । । १८ ।।
यथोत्तरं विशुद्धाः स्युर्नयाः सप्ताप्यमी तथा । एकैकः स्याच्छतं भेदास्ततः सप्तशतान्यमी । । १९ ।।
अथैवंभूतसमभिरूढयोः शब्द एव चेत् । अन्तर्भावस्तदा पंच नयपंचशतीभिदः ।। २० ।। द्रव्यास्तिकपर्यायास्तिकयोरन्तर्भवन्त्यमी । आदावादिचतुष्टयमन्त्ये चान्त्याऽस्त्रयस्ततः ।। २१ ।।
सर्वे नया अपि विरोधभृतो मिथस्ते,. सम्भूय साधुसमयं भगवन् भजन्ते । भूपा इव प्रतिभटा भुवि सार्वभौमपादाम्बुजं प्रधनयुक्तिपराजिता द्राक् ।। २२ ।।
१- २. वसन्ततिलका
इत्थं नयार्थकवचः कुसुमैर्जिनेन्दु - वीरोऽर्चितः सविनयं विनयाभिधेन । श्रीद्वीपबंदरवरे विजयादिदेव सूरीशितुर्विजयसिंहगुरोश्च तुष्ट्यै ।। २३ ।। १
।। शुभं भूयान्नयज्ञानां नयज्ञानाभिलाषिणां च ।।
-
नवामृतम्
