________________
तत्त्वार्थश्रद्धानं सम्यग्दर्शनं । यथार्थहेयोपादेयपरीक्षायुक्तज्ञानं सम्यग्ज्ञानं । स्वरूपरमणपरपरित्यागरूपं चारित्रं । एतद्रत्नत्रयीरूपमोक्षमार्गसाधनात्साध्यसिद्धिः इत्यनेनात्मनः स्वीयं स्वरूपं सम्यग्ज्ञानं ज्ञानप्रकर्ष एवात्मलाभः ज्ञानदर्शनोपयोग लक्षण एवात्मा । छद्मस्थानां च प्रथमं दर्शनोपयोगः केवलीनां प्रथम ज्ञानोपयोगः पश्चाद्दर्शनोपयोगः । सहकारिकर्तृत्वप्रयोगात् उपयोगसहकारेणैव शेषगुणानां प्रवृत्त्यभ्युपगमात् । इत्येवं स्वतत्त्वज्ञानकरणे स्वरूपोपादानं तथा । स्वरूपरमणध्यानैकत्वेनैव सिद्धिः ।।
तत्र प्रथमतः ग्रन्थिभेदं कृत्वा शुद्ध श्रद्धानज्ञानी द्वादशकषायोपशमः स्वरूपैकत्वध्यानपरिणतेन क्षपकश्रेणीपरिपाटीकृतघातिकर्मक्षयःअवाप्तकेवलज्ञानदर्शनः, योगनिरोधात् अयोगीभावमापन्नः, अघातिकर्मक्षयानन्तरं समय एवास्पर्शवद्गत्या एकान्तिकात्यन्तिकानाबाधनिरूपाधिनिरूपचरितानायासा विनाशि-संपूर्णात्मशक्तिप्राग्भावलक्षणं सुखमनुभवन् सिध्यति साद्यनंतं कालं तिष्ठति परमात्मा इति एतत् कार्यं सर्वं भव्यानाम् ।
गच्छे श्री कोटिकाख्ये विशदखरतरे ज्ञानपात्रा महान्तः,. . सूरि श्री जैनचन्द्राः गुरूतरगणभृशिष्यमुखां विनीताः । श्रीमत्पुण्यप्रधानाः सुमतिजलनिधिः पाठकाः साधुरंगाः, . तच्छिष्याः पाठकेन्द्राः श्रुतरसरसिका राजसारा मुनीन्द्राः ।।१।। तारणांबुजसेवालीनाः श्रीज्ञानधर्मधराः । ' तत्शिष्यपाठकोत्तमदीपचन्द्रा श्रुतरसज्ञाः ।।२।। नयचक्रलेशमेतत्तेषां शिष्येण देवचन्द्रेण । स्वपरावबोधनार्थ कृतं सदभ्यासवृद्ध्यर्थं ।।३।। शोधयन्तु सुधियः कृपापराः, शुद्धतत्त्वरसिकाश्च पठंतु । साधनेन कृतसिद्धिसत्सुखाः परममंगलभावमश्नुते ।।४।। ..
॥इति श्री नयचक्रविवरणं समाप्तम् ।।
९०५TT TUTICE TO SUCCASSETसन्
