________________
Bhagavati Sūtra Bk. 6 Ch. 3
245
उत्तर १९-गोयमा ! पओगसा वि वीससा वि।
श्न २०-जहा णं भंते ! वत्थस्स णं पोग्गलोवचए पओगसा वि वीससा वि तहा णं जीवाणं कम्मोवचए किं पओगसा वीससा?
उत्तर २०-गोयमा ! पओगसा णो वीससा। प्रश्न २१-से केणठेणं?
उत्तर २१-गोयमा ! जीवाणं तिविहे पओगे पण्णते तं जहा–मणप्पओगे वइप्पओगे कायप्पओगे । इच्चेएणं तिविहेणं पओगेणं जीवाणं कम्मोवच्चये पओगसा णो वीससा। एवं सव्वेसि पंचिंदियाणं तिविहे पओगे भाणियव्वे । पुढवीकाइयाणं एगविहेणं पओगेणं एवं जाव...वणस्सइकाइयाणं । विगलेंदियाणं दुविहे पओगे पण्णत्ते । तं जहा-वइपओगे कायपओगे य । इच्चेएणं दुविहेणं पओगेणं कम्मोवचए पओगसा णो वीससा । से तेणठेणं जाव...णो वीससा एवं जस्स जो पओगो जाव...वेमाणियाणं ।
प्रश्न २२-वत्थस्स णं भंते ! पोग्गलोवचए कि साइए सपज्जवसिए साइए अपज्जवसिए अगाइए सपज्जवसिए अणाइए अपज्जवसिए ?
_उत्तर २२-गोयमा ! वत्थस्स णं पोग्गलोवचए साइए सपज्जवसिए णो साइए अपज्जवसिए णो अणाइए सपज्जवसिए णो अणाइए अपज्जवसिए।
प्रश्न २३-जहां णं भंते ! वत्थस्स पोग्गलोवचए साइए सपज्जवसिए णो साइए अपज्जवसिए णो अणाइए सपज्जवसिए णो अणाइए अपज्जवसिए । तहा णं जीवाणं कम्मोवचए पुच्छा ?
उतर २३-गोयमा! अत्थे गइयाणं जीवाणं कम्मोवचए साइए सपज्जवसिए अत्थेगइयाणं अणाइए सपज्जवसिए अत्थेगइयाणं अणाइए अपज्जवसिए णो चेव णं जीवाणं कम्मोवचए साइए अपज्जवसिए।
प्रश्न २४-से केणठेणं ? '
उत्तर २४-गोयमा ! इरियावहियबंधयस्स कम्मोवचए साइए सपवज्जवसिए भवसिद्धियस्स कम्मोवचए अणाइए सपज्जवसिए अभवसिद्धियस्स कम्मोवचए अणाइए अपज्जवसिए। से तेणठेणं गोयमा !
