________________
184
भगवती सूत्र शः ५ उः ६
[ on activities]
प्रश्न ९४-गाहावइस्स णं भंते! भंडं विक्किणमाणस्स केइ भंडं अवहरेज्जा तस्स णं भंते ! तं भंडं गवेसमाणस्स किं आरंभिया किरिया कज्जइ परिग्गहिया मायावत्तिया अपच्चक्खाणकिरिया मिच्छादसणवत्तिया ?
उत्तर ९४-गोयमा ! आरंभिया किरिया कज्जइ परिग्गहिया मायावत्तिया अपच्चक्खाणकिरिया मिच्छादसणकिरिया सिय कज्जइ सिय णो कज्जइ। अह से भंडे अभिसमण्णागए भवइ तओ से य पच्छा सव्वाओ ताओ पयणुईभवंति ।
प्रश्न ९५-गाहावइस्स णं भंते ! भंडं विक्किणमाणस्स कइए भंडे साइज्जेज्जा भंडे य से अणुवणीए सिया गाहावइस्स णं भंते ! ताओ भंडाओ किं आरंभिया किरिया कज्जइ जाव...मिच्छादसणकिरिया कज्जइ ?
उत्तर ९५-गोयमा ! गाहावइस्स ताओ भंडाओ आरंभिया किरिया कज्जइ जाव...अपच्चक्खाण...मिच्छादसणवत्तिया किरिया सिय कज्जइ सिय णो कज्जइ। कइयस्स णं ताओ सव्वाओ पयणुई भवंति ।
प्रश्न ९६-गाहावइस्स णं भंते ! भंडं विक्किणमाणस्स जाव...भंडे से उवणीए सिया कइयस्स णं भंते ! ताओ भंडाओ किं आरंभिया किरिया कज्जइ जाव...मिच्छादसणवत्तिया किरिया कज्जइ। गाहावइस्स वा ताओ भंडाओ किं आरंभिया किरिया कज्जइ जाव...मिच्छादसणवत्तिया किरिया कज्जइ ?
उत्तर ९६-गोयमा ! कइयस्स ताओ भंडाओ हेट ठिललाओ चत्तारिकिरियाओ कज्जति मिच्छादसणवत्तिया किरिया भयणाए। गाहावइस्स णं ताओ सव्वाओ पयणुई भवंति ।
प्रश्न ९७-गाहावइस्स णं भंते ! भंडे जाव...धणे य से अणुवणीए सिया ?
उत्तर ९७-एयं पि जहा भंडे उवणीए तहा णेयव्वं चउत्थो आलावगो । धणे य से उवणीए सिया जहा पढमो आलावगो-भंडे य से अणुवणीए सिया तहा णेयन्वो । पढम-चउत्थाणं एक्को गमो बिइय-तईयाणं एक्को गमो।
