________________
छट्ठो उदेससो CHAPTER SEX
[ on short and long spans of life ] प्रश्न ९०-कह णं भंते ! जीवा अप्पाउयत्ताए कम्मं पकरेंति ?
उत्तर ९०-गोयमा! तिहिं ठाणेहिं । तं जहा-पाणे अइवाएत्ता मुसं वइत्ता तहारूवं समणं वा माहणं वा अफासुएणं अणेसणिज्जेणं असण-पाण-खाइम. साइमेणं पडिलाभेत्ता। एवं खलु जीवा अप्पाउयत्ताए कम्मं पकरेंति ।
प्रश्न ९१-कह णं भंते ! जीवादीहाउयत्ताए कम्मं पकरेंति ?
उत्तर ९१-गोयमा! तिहिं ठाणेहिं । तं जहा-णो पाणे अइवाइता णो मुसं वइत्ता तहारूवं समणं वा माहणं वा फासु-एसणिज्जेणं असण-पाण-खाइमसाइमेणं पडिलाभेत्ता । एवं खलु जीवा दीहाउयत्ताए कम्मं पकरेंति ।
प्रश्न ९२-कह णं भंते ! जीवा असुभदीहाउयत्ताए कम्मं पकरेंति ?
उत्तर ९२-गोयमा ! पाणे अइवाएत्ता मुसं वइत्ता तहारूवं समणं वा माहणं वा हीलित्ता णिंदित्ता खिंसित्ता गरहित्ता अवमण्णित्ता अण्णयरेणं अमणुण्णणं अपीइकारएणं असण-पाण-खाइम-साइमेणं पडिलाभेत्ता । एवं खलु जीवा असुभदीहाउयत्ताए कम्मं पकरेंति ।
प्रश्न ९३-कह णं भंते ! जीवा सुभदीहाउयत्ताए कम्मं पकरेंति ?
उत्तर ९३-गोयमा ! णो पाणे अइवाइत्ता णो मुसं वइत्ता तहास्वं समणं वा माहणं वा वंदित्ता णमंसित्ता जाव...पज्जुवासित्ता। अण्णयरेणं मणुण्णणं पीइकारएणं असण-पाण-खाइम-साइमेणं पडिलाभेत्ता-एवं खलु जीवा सुभदीहाउयत्ताए कम्मं पकरेंति ।
Q.90. Bhante ! How do living beings acquire karma giving life a short span ?
