________________
चउत्यो उदेसो
CHAPTER FOUR
[ monk's power to know and see ]
प्रश्न ८५-अणगारे णं भंते! भावियप्पा देवं वेउव्वियसमुग्घाएणं समोहयं जाणरूवेणं जायमाणं जाणइ पासइ?
उत्तर ८५-गोयमा ! अत्थेगईए देवं पासइ णो जाणं पासइ। अत्थेगईए जाणं पासइ णो देवं पासइ। अत्थेगईए देवं पि पासइ जाणंपि पासइ। अत्थेगईए णो देवं पासइ णो जाणं पासइ।
प्रश्न ८६-अणगारे णं भंते ! भावियप्पा देवि वेउब्वियसमुग्घाएणं समोहयं जाणरूवेणं जायमाणं जाणइ पासइ ?
उत्तर ८६-गोयमा! एवं चेव।
प्रश्न ८७-अणगारे णं भंते ! भावियप्पा देवं सदेवीयं वेउव्वियसमुग्धाएणं समोहयं जाणरूवेणं जायमाणं जाणइ पासइ ?
उत्तर ८७-गोयमा! अत्थेगईए देवं सदेवीयं पासइ णो जाणं पासइ। एएणं अभिलावेणं चत्तारि भंगा।
प्रश्न ८८-अणगारे णं भंते! भावियप्पा रुक्खस्स कि अंतो पासइ बाहिं पासइ?
उत्तर ८८-चउभंगो। एवं-कि मूलं पासइ कंदं पासइ? चउभंगो। मूलं पासइ खंधं पासइ? चउभंगो। एवं मूलेणं बीयं संजोएयव्वं एवं कंदेण वि समं संजोएयव्वं जाव...बीयं। एवं जाव...पुप्फेण समं बीयं संजोएयव्वं ।
