________________
B hagavati Sūtra Bk. 1 Ch. 2
45
[ on duration/stay in the life-cycles ]
प्रश्न ९९-जीवस्स णं भंते ! तीतद्धाए आदिट्ठस्स कइविहे संसारसंचिट्ठणकाले पण्णत्ते ?
उत्तर ९९-गोयमा! चउविहे संसारसंचिट्ठणकाले पण्णत्ते तं जहा णेरइयसंसारसंचिट्ठणकाले तिरिक्ख-मणुस्स-देव-संसारसंचिट्ठणकाले य पण्णते।
प्रश्न १००-नेरइयसंसारसंचिट्ठणकाले णं भंते ! कतिविहे पण्णत्ते ?
उत्तर १००-गोयमा ! तिविहे पन्नत्ते तं जहा सुन्नकाले असुन्नकाले मिस्सकाले।
प्रश्न १०१-तिरिक्खजोणियसंसार...पुच्छा ?
उत्तर १०१-गोयमा! दुविहे पन्नते तं जहा असुन्नकाले मिस्सकाले य।
१०२-मणुस्साण य देवाण य जहा नेरइयाणं।
प्रश्न १०३-एयस्स णं भंते! नेरइयस्स संसारसंचिट्ठणकालस्स सुन्नकालस्स असुन्नकालस्स मीसकालस्स य कयरे कयरेहितो अप्पे वा बहुए वा तुल्ले वा विसेसाहिए वा ?
उत्तर १०३-गोयमा! सव्वत्थोवे असुन्नकाले मिस्सकाले अणंतगुणे सुन्नकाले अणंतगुणे।
१०४-तिरिक्खजोणियाण सव्वत्थोवे असुन्नकाले मिस्सकाले अणंतगुणे।
१०५-मणुस्स-देवाण य जहा नेरइयाणं ।
प्रश्न १०६-एयस्स णं भंते ! नेरइयसंसारसंचिट्ठणकालस्स जाव...देवसंसारसंचिट्ठणकालस्स जाव...विसेसाहिए वा ?
उत्तर १०६-गोयमा! सव्वत्थोवे मणुस्ससंसारसंचिट्ठणकाले नेरइयसंसारसंचिट्ठणकाले असंखेज्जगुण देवसंसारसंचिट्ठणकाले असंखेज्जगुणे तिरिकुखजोणिएसंसारसंचिट्ठणकाले अणंतगुणे।
