________________
Bhagavati Sūtra Bk. I Ch. 1
respiration has a minimum gap of two to nine 48-minutes and maximum of 33 paksas. Their intake has a minimum gap of two to nine days and the maximum gap of 33,000 years. The rest as before ...till exhaust not karma which is still dormant.
[ on harm to self, to others, to both, to none ]
आयारंभा परारंभा तदुभयारंभा
प्रश्न ४७-जीवा णं भंते ! कि अणारंभा ?
उत्तर ४७-गोयमा ! अत्थेगइया जीवा आयारंभा वि परारंभा वि तदुभयारंभा वि णो अणारंभा। अत्थेगइया जीवा णो आयारंभा णो परारंभा णो तदुभयारंभा अणारंभरा।
प्रश्न ४८-से केणठेणं भंते ! एवं वुच्चइ-अत्थेगइया जीवा आयारंभा वि एवं पडिउच्चारेयव्वं ?
उत्तर ४८-गोयमा ! जीवा दुविहा पण्णत्ता तंजहा-संसारसमावण्णगा य असंसारसमावण्णगा य। तत्थ णं जे ते असंसारसमावण्णगा ते णं सिद्धा। सिद्धा णं णो आयारंभा णो परारंभा णो तदुभयारंभा अणारंभा । तत्थ णं जे ते संसारसमावण्णगा ते दुविहा पण्णत्ता तंजहा-संजया य असंजया य। तत्थणं जे ते संजया ते दुविहा पण्णत्ता तंजहा-पमत्तसंजया य अप्पमत्तसंजया य। तत्थ णं जे ते अप्पमत्तसंजया ते णं णो आयारंभा णो परारंभा णो तदुभयारंभा अणारंभा। तत्थ णं जे ते पमत्तसंजया ते सुहं जोगं पडुच्च णो आयारंभा णो परारंभा णो तदुभयारंभा अणारंभा । असुहं जोगं पडुच्च आयारंभा वि परारंभा वि तदुभयारंभा वि णो अणारंभा । तत्थ णं जे ते असंजया ते अविरइं पडुच्च आयारंभा वि परारंभा वि तदुभयारंभा वि णो अणारंभा। से तेणठेणं गोयमा ! एवं कुच्चइअत्थगइया जीवा जाव...अणारंभा।
. प्रश्न ४९-णोरइया णं भंते ! कि आयारंभा परारंभा तदुभयारंभा अणारंभा ?
उत्तर ४९-गोयमा ! णेरइया आयारंभा वि जाव...णो अणारंभा। एवं जाव...असुरकुमारा वि।
