________________
पंचमो उद्देसो
CHAPTER FIVE
[ on procreation ]
प्रश्न २४ – अन्न उत्थिया णं भंते ! एवं आइक्खति भासंति पण्णवे। परूवेंति तं जहा—एवं खलु नियंठे कालगए समाणे देवभूएणं अप्पाणेणं सें तत्थ णो अन्न देवे णो अन्नस देवाणं देवीओ अभिजुंजिय अभिजुंजिय परियारेइ णो अप्पणिच्चियाओ देवीओ अभिजुंजिय अभिजुजिय परियारेद्द अप्पणामेव अप्पाणं विउव्विय विउव्विय परियारेइ । एगे वि य णं जीवे एगेणं समएणं दो वेदं वेदेइ तं जहा - इत्थिवेदं च पुरिसवेदं च । एवं परउत्थियवत्तव्वया नेयव्वा जाव... इत्थि वेदं च पुरिसवेदं च । से कहमेयं भंते !
एवं ?
उत्तर २४ - गोयमा ! जं णं ते अन्नउत्थिया एवं आइक्खति जाव... इत्थिवेदं च पुरिसवेदं च । जे ते एवं आहिंसु मिच्छं ते एवं आहिंसु । अहं पुण गोयमा ! एवमा इक्खामि भासामि पनवेमि परूवेमि एवं खलु णियंठे कालगए समाणे अन्नयरेसु देवलोएसु देवत्ताए उववत्तारो भवंति महढिएसु जाव... महाणुभावेसु दूरगतीसु चिरट्ठितीएस से णं तत्थ देवे भवई महढिए जाव... दस दिसाओ उज्जोवेमाणे पभासेमाणे जाव... पडिरूवे । से णं तत्थ अन्ने देवे अन्नेसि देवाणं देवीओ अभिजुंजिय अभिजुंजिय परियारेइ अप्पणिच्चियाओ देवीओ अभिजुंजिय अभिजु जिय परियारेइ । नो अप्पाणमेव अप्पाणं विउव्विय विउव्विय परियारेई । एगे वि य णं जीवे एगेणं समएणं एवं वेदं वेदे तं जहा - इथिवेयं वा पुरिसवेयं वा । जं समयं इत्थिवेयं वेएइ णो तं समयं पुरिसवेयं वेदेइ जं समयं पुरिसवेयं वेएइ णो तं समयं इत्थिवेयं वेदेइ । इत्थि वेयस्स उदऍणं नो पुरिसवेयं वेएइ पुरिसवेयस्स उदएणं नो इत्थिवेयं वेएइ । एवं खलु एगे जीवे एगणं समएणं एवं वेदं वेदेइ तं जहा - इत्थीवेयं वा पुरिसवेयं वा । इत्थि इत्थिवेएणं उदिण्णं णं पुरिसं पत्थेइ पुरिसो पुरिसवेएणं उदिष्णेणं इथं पत्थेइ । दो वि ते अण्णमण्णं पत्थेति तं जहा - इत्थी वा पुरिसं पुरिसे वा इत्थि ।
