________________
दसमो उददेसो
CHAPTER TEN
[on the division of molecules, etc.]
३०८-अन्नउत्थिया णं भंते ! एवं आइक्खंति जाव.... एवं परूवेंति एवं खलु चलमाणे अचलिए जाव... निज्जरिज्जमाणे अणिज्जिने ।
३०९-दो परमाणुपोग्गला एगयओ न साहणंति । कम्हा दो परमाणुपोग्गला एगयओ न साहणंति ? दोण्हं परमाणुपोग्गलाणं नत्थि सिणेहकाए । तम्हा दो परमाणुपोग्गला एगयओ न साहति ।
३१० - तिण्णि परमाणुपोग्गला एगयओ साहणंति । कम्हा तिणि परमाणुपोग्गला एगयओ साहणंति ? तिन्हं परमाणुपोग्गलाणं अस्थि सिणेहकाए । तम्हा तिष्णि परमाणुपोग्गला एगयओ साहणंति । ते भिज्जमाणा दुहा वि तिविहा बि कज्जंति । दुहा कज्जमाणा एगयओ दिवड्ढे परमाणुपोग्गले भवइ एगयओ वि विड्ढे परमाणुपोग्गले भवइ । तिहा कज्जमाणा तिष्णि परमाणुपोग्गला भवति । एवं जाव... . चत्तारि ।
३११-पंच परमाणुपोग्गला एगयओ साहणंति साहणित्ता दुक्खत्ताए कज्जति । दुक्ख वि य णं से सासए सया समियं उवचिज्जइ य अवचिज्जइ य ।
भासिज्जमाणी भासा अभासा । भासा
३१२ - पुवि भासा भासा । समयविइक्कतं च णं भासिया भासा ।
३१३ - जा सा पुव्विं भासा भासा । भासिज्जमाणी भासा अभासा भासा समय वितिक्कतं च णं भासिया भासा । सा किं भासओ भासा ? अभासओ भासा ? अभासओ णं सा भासा । नो खलु सा भासओ भासा।
३१४- जा सा पुव्वं किरिया दुक्खा । कज्जमाणी किरिया अदुक्खा । किरिया समयवितिक्कतं च णं कडा किरिया दुक्खा ।
