________________
सत्तमो उद्देसो
CHAPTER SEVEN
[more on infernal beings] प्रश्न २३१-नेरइए णं भंते ! नेरइएसु उववज्जमाणे किं देसेणं देसं उववज्जइ देसेणं सव्वं उववज्जइ सव्वेणं देसं उववज्जइ सव्वेणं सव्वं उववज्जइ ?
उत्तर २३१-गोयमा! नो देसेणं देसं उववज्जइ नो देसेणं सव्वं उववज्जइ नो सव्वेणं देसं उववज्जइ सव्वेणं सव्वं उववज्जइ। जहा नेरइए एवं जाव... वेमाणिए।
प्रश्न २३२-नेरइया णं भंते! नेरइएसु उववज्जमाणे किं देसेणं देसं आहारेइ देसेणं सव्वं आहारेइ सव्वेणं देसं आहारेइ सव्वेणं सव्वं आहारेइ ?
उत्तर २३२-गोयमा! नो देसेणं देसं आहारेइ, नो देंसेणं सव्वं आहारेइ सव्वेणं वा देसं आहारेइ सव्वेणं वा सव्वं आहारेइ। एवं जाव...वेमाणिया।
प्रश्न २३३-नेरइए णं भंते ! नेरइएहिंतो उववट्टमाणे किं देसेणं देसं उववट्टइ ?
उत्तर २३३-जहा उववज्जमाणे तहेव उववट्टमाणे वि दंडगो भाणियव्वो।
प्रश्न २३४-नेरइए णं भंते ! नेरइएहिंतो उववट्टमाणे किं देसेणं देसं आहारेइ?
उत्तर २३४-तहेव जाव...सव्वेणं वा देसं आहारेइ सव्वेण वा सव्वं आहारेइ। एवं जाव...वेमाणिए।
प्रश्न २३५-नेरइए णं भंते ! नेरइएसु उववन्ने किं देसेणं देसं उववन्ने ? _उत्तर २३५-एसो वि तहेव जाव...सव्वेणं सव्वं उववण्णे। जहा उववज्जमाणे उदवट्टमाणे य चत्तारि दंडगा तहा उववन्नेणं उव्वटेण वि चत्तारि दंडगा भाणियव्वा। सव्वेणं सव्वं उववण्णे। सवेणं वा देसं आहारेइ। सव्वेणं वा सव्वं आहारेइ एएणं अभिलावेणं उववन्ने वि उव्वट्टणे वि नेयव्वं ।
