Page Text
________________
६६०
पंचसंगहो सत्तावीसं सुहुमे अट्ठावीसं तु मोहपगडीओ।
उवसंतवीयरागे उवसंता हुति णायव्या ॥४॥ मोहणीयस्स गुणट्ठाणएहिं काओ पगडीओ उवसंताओ ? सम्मत्तं मिच्छत्तं सम्मामिच्छत्तं अणंताणुबंधिचदुकं एदाओ सत्त पगडीओ पंचसु ठाणएसु उवसंताओ असंजदसम्मादि टिप्पहुदि जाव अपुव्वकरणो त्ति । अणियट्टिबादरस्स सत्तट्ठ णव य पण्णरस सोलस अट्ठारस वीस वावीस चउवीस पणुवीस छव्वीस एदे इक्कारस भंगा अंतोमुहुत्तस्स संखेजदिमभागे गंतूण । सम्मत्तं मिच्छंत्तं सम्मामिच्छत्तं अणंताणुबंधिचदुकं एदाओ सत्त पगडीओ पुत्वोवसंताओ। संखेजदिमे भागे गंतूण णवंसकवेदो उवसंतो। सत्तपगडीसु णqसगवेदो छत्तेदूण अट्ठ। एवं जो जहा उवसंतो, वेण जहा [सो तहा] ढोढव्वा । पुणरवि सेससंखेजदिमे भागे गंतूण इत्थीवेदो उवसंतो, तेण णव । सेससंखेनदिमे भागे गंतूण हरस-रइ-अरइ-सोग-भय दुगुंछाओ एदाओ छ पगडीओ उवसंताओ, तेण पण्णरस । सेससंखेजदिमे भागे गंतूण पुरिसवेदो उवसंतो, तेण सोलस । सेससंखेन्जदिमे भागे गंतण अपञ्चक्खाणावरणकोहो पच्चक्खाणावरणकोहो उवसंतो, ते सेससंखेजदिमे भागे गंतूण अपञ्चक्खाणावरणमाणो पञ्चक्खाणावरणमाणो उवसंतो, तेण वीसं । सेससंखेजदिमे भागे गंतूण अपञ्चक्खाणावरणमाया पच्चक्खाणावरणमाया उवसंता, तेण वावीसं । सेससंखेजदिमे भागे गंतूण अपञ्चक्खाणावरणलोभो पच्चक्खाणावरणलोभो उवसंतो, तेण चउवीसं । सेससंखेनदिमे भागे गंतूण कोहसंजलणं उवसंतं, तेण पणुवीसं। सेसखंखेजदिमे भागे गंतूण माणसंजलणं उवसंतं, तेण छठवीसं। सुहुमसंपराइयस्स सत्तावीस उवसंता। कहं ? जेण अणियट्टिबादरचरमसमए मायसंजलणा उपसंता तेण सत्तावीस भवंति । उवसंतकसायरस अट्ठावीसं पि उवसंता। कहं जेण सुहमसंपराइयस्स चरमसमए लोभसंजलणं उवसंतं, तेण अट्ठावीस भवंति । एत्थ गाहा
“सत्तावीसं सुहुमे अट्ठावीसं पि मोहपगडीओ। उवसंत वीयराए उवसंता हुंति णायव्वा" ||८५॥ पढमकसायचउकं इत्तो मिच्छत्त मिस्स सम्म । अविरदसम्मे देसे विरदे पमत्तापमत्ते य खीयंति ॥८६॥ अणियट्टिबादरे थीणगिद्धितिग णिरयादि [णिरय-तिरिय-] णामाओ। संखेजदिमे सेसे तप्पाओग्गा य खीयंति ॥८७॥ एत्तो हणादि कसायट्ठयं तु पच्छा णउंसयं इत्थी। तो णोकसायलकं पुरिसवेदम्मि संछुब्भदि ॥८८|| पुरिसं कोहे कोहं माणे माणं च छुब्भदि मायाए ।
मायं च छुब्भदि लोहे लोभं सुहुमं पि तो हणदि ॥८६॥ इदाणिं गुणट्ठाणएसु भणिस्सामो-'पढनकसायचदुक्कं' मिच्छत्तं सम्मत्तं सम्मामिच्छत्तं अणंताणुबंधी चत्तारि, एदाओ सत्त पगडीओ असंजदसम्मादिट्ठी संजदासंजदो पमत्त अप्पमत्तसंजदो वा खवेदि । अणियट्टिबादरे थीणगिद्धितिगं णिरय-तिरियणमाओ संखेजदिमे सेसे तप्पा
ओग्गा खीयंति । अपुव्वकरणो एगं पि पगडी ण खवेदि । अणियट्टिबादरस्स णिहाणिद्दा पचलापचला थीणगिद्धी णिरयगइ तिरिक्खगइ एइंदिय वेइंदिय तेइंदिय चदुरिदिय णिरयतिरिक्खाणुपुत्वी आदाव उज्जोव थावर सुहुम साहारण एदाओ सोलस पगडीओ संखेज दिमे भागे खोयंति ।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |