Page Text
________________
६५८
पंचसंगहो
तिरिक्खाउग-णीचगोदाणं मिच्छादिहिप्पहुदि जाव संजदासंजदो त्ति उदओ उदीरणा च । आहारसरीर-आहारसरीरंगोवंगाणं पमत्तसंजदस्स आहारसरीरअं तु उट्ठाविदस्स उदयो उदीरणा च । अद्धणाराय-खीलिय-असंपत्तसेवट्टसरीरसंघडणाणं मिच्छादिट्ठिप्पहुदि जाव अप्पमत्तसंजदो त्ति उदयो उदीरणा च । हस्स-रह-अरइ-सोग-भय-दगंछाणं मिच्छादिदिठप्पहदि जाव अपव्वकरणो त्ति उदयो उदीरणा च । कोह-माण-मायासंजलणाणं मिच्छादिठ्ठिप्पहुदि जाव अणियट्टि-अद्धासंखेज्जभागो त्ति उदयो उदीरणा च। वज्जणाराय-णारायसरीरसंघडणाणं मिच्छादिटिप्पहदि जाव उवसंतकसाओ त्ति ताव उदयो उदीरणा च । ओरालिय-तेजा-कम्मइयसरीर-छसंठाण-ओरालियसरीरंगोवंग-वज्जरिसभणारायवइरसरीरसंघडण-वण्ण-गंध-रस-फास-अगुरुगलहुग-उवघादपरघाद-उस्सास-पसत्थापसत्थविहायगइ-पत्तेगसरीर-थिराथिर-सुभासुभ-सुस्सर - दुस्सर-णिमिणणामाणं मिच्छादिठ्ठिप्पहुदि जाव संजोगिकेवली उदयो उदीरणा च ।।
णाणंतरायदसयं दसण णव वेदणीय मिच्छत्तं ।
सम्मत्त-लोभ-वेदाउगाणि णव णाम उच्चं च ॥७॥ एदाओ इगिदालपगडीओ पुत्वं वुत्ताओ।
तित्थयराहारविरहियाओ अज्जेइ सव्वपगडीओ। मिच्छत्तवेदओ सासणो य उगुवीससेसाओ ।।७६॥ छादालसेसमिस्सो अविरदसम्मो तिदालपरिसेसा । तेवण्ण देसविरदो [विरदो] सगवण्ण सेसाओ ॥७७।। उक्कुट्टि-[उगुसहि-] मप्पमत्तो बंधइ देवाउगं च इयरो वि । अट्ठावण्णमपुव्वो छप्पणं चावि छव्वीसं ॥७८॥ वावीसा एगणं बंधइ अट्ठारसं तु अणियट्टी। सत्तरस सुहुमसरागे सादममोहो सजोगी दु॥७६।। एसो दु बंधसामित्तो गइयाइएसु य णायव्वो।
ओघादो सासाविजो [साहिज्जो] जत्थ जहा पयडिसंभवो होइ ॥८॥ 'तित्थयराहारविरहियाओ' तित्थयराहारसरीर-आहारसरीररंगोवंग एदाओ तिण्णि पगडिविरहियाओ वीसुत्तरसद-पगडीओ मिच्छादिट्ठी बंधइ ११७। सदगम्हि य भणिद-सोलस मिच्छत्तंता तित्थयराहारसरीर-आहारसरीरंगोवंगसहिय - एगूणवीस - पगडिरहिय - वीसुत्तरसदपगडीओ सासणसम्मादिट्ठी बंधइ १०१। सदगम्हि य भणिद-सोलसमिच्छत्तंता, सासणंता पणुवीसं तित्थयर-आहारदुर्ग मेलिय मणुस-देवाउगमेलिया छादालपगडि-विरहिय-वीसुत्तरसपगडीओ सम्मामिच्छादिट्ठी बंधइ ७४ । तित्थयरमणुस-देवाउग-विरहिय-पुत्वभणिद-छादाल पगडिविरहिया वीसुत्तरसदपगडीओ सम्मामिच्छादिट्ठी [ असंजदसम्मादिट्ठी] बंधइ ७७ । सोलस मिच्छत्तंता, पणुवीस सासणंता, असंजदसम्मादिदि-अंता दस, आहारसरीर-आहारसरीरंगोवंगमेलिया तेवण्ण-पगडिविरहिया वीसुत्तरसदपगडीओ संजदासंजदो बंधइ ६७ । सदगम्हि भणिद सोलस मिच्छत्तंता, पणुवीस सासणंता, दसय. असंजदसम्मादिट्ठि-अंता, चत्तारि देसविरदंता आहारदुगमेलिया सत्तवण्णपगडिरहियाओ 'वीसुत्तरसदपगडीओ पमत्तसंजदो बंधइ ६३ । 'उगुसट्ठिमप्पमत्तो बंधई' अप्पमत्तसंजदो पंचणाणावरणीय छ दसणावरणीयं सादावेदणीयं चत्तारि संजलणं पुरिसवेद हस्स रइ भय दुगु छ देवाउगं देवगइ पंचिंदियजाइ.
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |