Page Text
________________
सत्तरि-संगहो
६५३ आहारकायजोगिम्मि पमत्तसंजदस्स सम्मत्तं संजलणकोहमाणमायालोभाणमेक्कदरं तिण्हं वेदाणमेक्कदरं हस्सरइ-अरइसोग दुण्हं जुगलाणमेक्कदरं भय दुगुछा च एदाओ पगडीओ घेत्तण सत्त-उदयट्ठाणं । एदरस इको चउवीसभंगो। एदाओ चेव पगडीओ भयरहियाओ घेत्तण छउदयट्ठाणं । एदस्स पढमो चउवीसभंगो । एदाओ चेव पगडीओ दुगु छरहिय-भयसहियाओ घेत्तूण वा छ-उदयट्ठाणं । एदस्स विदिओ चउवीस भंगो। एदाओ चेव पगडीओ सम्मत्तरहिय-दुगुछसहियाओ घेत्तूण वा छ-उदयट्ठाणं । एदस्स तदिओ चउवीस भंगो। एदाओ चेव पगडीओ भयरहियाओ घेत्तण पंच-उदयद्राणं । एदस्त वि पढमो चउवीसभंगो। एदाओ चेव पर दुगुछरहिय-भयसहियाओ घेत्तूण वा पंच-उदयट्ठाणं । एदस्स विदिओ चउवीसभंगो। एदाओ चेव पगडीओ सम्मत्तसहिय-भयरहियाओ घेत्तण वा पंच उदयट्ठाणं। एदस्स तदिओ चवीसभंगो । एदाओ चेव पगडीओ सम्मत्तरहियाओ घेत्तूण वा चत्तारि उदयट्ठाणं। एदस्स वि इक्को चेव चउवीसभंगो। सव्वभंगा एत्तिया हुँति १६२ । सत्तण्हं इक्को चउवीसभंगो, छण्हं तिण्णि चउवीसभंगो, पंचण्हं तिण्णि चउवीसभंगो, चउण्हं इक्क चउवीसभंगो, सत्त-छ-पंच-चउपगडीहिं गुणेऊण मेलिया पदबंधा एत्तिया हुंति १०५६ ।
एवं आहारमिस्सम्मि । पमत्तसंजदभंगा १६२ । पदबंधा १०५६ । एवं वेउव्वियमिस्सकम्मइय-ओरालियमिस्स-वेउव्वियाहाराहारमिस्सकायजोगस्स सव्वभंगा इत्तिया हुंति १८२४ । पदबंधा एत्तिया हुंति १३७६०
मिच्छादिटिप्पहुदि जाव सुहुमसंपराइओ त्ति एदेसु दससु गुणट्ठाणेसु चत्तारि मणजोगचत्तारि वचिजोग-ओरालिय-कायजोगा हंति । एदेसिं इककजोगम्मि पव्वत्तगणटठाणेस दसस भणिय-उदयवियप्पा वारससदा पण्णट्ठा हुँति १२६५ । ते सच्चमणजोगादि-णवजोगेहिं गुणिया एत्तिया हुँति ११३८५ । एदे उदयवियप्पा वेउव्वियमिरसादिसु छसु जोगेसु भणिद-अट्ठारस-सदचउवीस-छउदयवियप्पेहिं मेलविया सव्वबंधवियप्पा एत्तिया हुंति १३२०६ । एवं 'तेरस चेव सहस्सा वे चेव सदा हवंति णव चेव'। पुव्वुत्तगुणट्ठाणेसु भणिद-पदबंधा चउरासीदिसदसत्तत्तरी ८४७७ णवजोगेहिं गुणिया एत्तिया हुंति ७६२६३ । एदे पदबंधा वेउव्वियमिस्सकायजोगादिसु भणिय-तेरससहस्स-सत्तसदसद्वि-पदबंधेहिं सहिया सव्वपदबंधा एत्तिया हुंति ६००५३ । ‘णउदी चेव सहस्सा तेवण्णा चेव हुँति बोधव्वा ।'
सत्तत्तरि चेव सदा णवणउदा चेव हुंति बोधव्वा । उदयवियप्पे जाणसु उवओगा मोहणीयस्स ॥६३॥ इक्कावण्णसहस्सा तेसीदा चव हुंति बोधव्वा ।
पदसंखा णायव्या उवओगे मोहणीयस्स ॥६४॥ 'सत्तत्तरि चेव सदा' मिच्छादिट्ठि-सासणसम्मादि ठीसु मदि-अण्णाणं सुद-अण्णाणं विभंगाणाणं चक्खुदंसणं अचक्खुदंसणं एदे पंच उवओगा हुंति । एदे से [ सिं] इक्केक्कम्मि उवओगम्मि तेसु गुणट्ठाणेसु पुत्वभणिद-उदयवियप्पा दुसदा अदृठासीदा लब्भंति २८८ । ते पंचउवओगेहिं गुणिया एत्तिया हुँति १४४० । तेसु गुणट्ठाणेसु अपणो उदयवियप्पा अप्पप्पणो पगडीहिं पुध पुध गुणेऊण मेलिया पदबंधा एत्तिया हुंति २४०० । ते पंच-उवओगेहिं गुणिया पदबंधा हुंति १२०००।
सम्मामिच्छादिठ्ठि-असंजदसम्मादिठि-संजदासंजदेसु तिसु गुणठाणेसु आभिणिबोधियणाणं सुदणाणं ओहिणाणं चक्खुदसणं अचक्खुदसणं ओधिदसणं एदे छ उवओगा हुंति । एदेसिं इक्के कम्मि उवओगम्मि तेसु तीसु गुणट्ठाणेसु पुव्वभणिद-उदयवियप्पा चत्तारि सदा असीदी
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |