Page Text
________________
पंचसंगहो
बंधट्ठाणं, चत्तारि अघादिकम्माणि उदय-संतठ्ठाणाणि त्ति। इदि एक्को वियप्पो। एवं अजोगिकेवलिस्स । णवरि बंधट्ठाणं णत्थि त्ति विदिओ वियप्पो ।
अट्ठसु एगवियप्पो छसुवि गुणसण्णिदेसु दुवियप्पो ।
पत्तेयं पत्तेयं बंधोदयसंतकम्माणं ॥५॥ 'अट्ठसु एगवियप्पो' सम्मामिच्छादिठि-अपुव्व-अणियट्टीसु पत्तेयं पत्तेयं सत्त बंध कम्माणि उदय-संतकम्माणि अट्ठ । सुहुमसंपराइयम्मि बंधकम्माणि छ, उदय-संतकम्माणि अट्ठ । उवसंतकसायम्मि बधकम्म वेदणीयं। मोहणीयवज्ज उदयकम्माणि सत्त । अट्ठ संत. कम्माणि । खीणकसायम्मि वेदणीय बधं। मोहणीयवज्ज सत्त उदयकम्माणि, संतकम्माणि सत्त । सजोगिकेवलिम्मि वेदणीयकम्मबंधो, चत्तारि अघादिकम्माणि उदय-संताणि । एवं अजोगिकेवलिस्स । णवरि बंधो पत्थि । 'छसु वि गुणसण्णिदेसु दुवियप्पो' मिच्छादिट्ठि-सासणसम्मादिट्ठिअसंजदसम्मादिट्ठि संजदासंजद-अप्पमत्तसंजदेसु पत्तेयं पत्तेयं अट्ठ बंधुदयसंतकम्मट्ठाणाणि त्ति एओ वियप्पो। सत्तकम्माणि बंधट्ठाणाणि, अट्ठ उदय-संतकम्मट्ठाणाणि ति विदिओ वियप्पो।
बंधोदयकम्मंसा णाणावरणंतराइगे पंच ।
बंधोवरमे वि तहा उदयंसा हुंति पंचेव ॥६॥ 'बंधोदयकम्मंसा णाणावरणंतराइगे पंच' बंधोदयसंतकम्माणि पंचेव । बंधवुच्छेदे जादे वि उदय-संतकम्माणि पंच।
बंधस्स य संतस्स य पगडिट्ठाणाणि तिण्णि सरिसाणि ।
उदयट्ठाणाणि दुवे चदु पणयं दंसणावरणे ॥७॥ बंध-संताणं तिण्णि पगडिहाणाणि सरिसाणि । तं जहा-दसणावरणसव्वपयडीओ घेत्तूण णवेत्ति एगं बंधट्ठाणं । णिहाणिद्दा पचलापचला थीणगिद्धी वज्ज सेसपगडीओ घेत्तूण छ इदि विदियं बंधट्ठाणं। एदाओ चेव णिहा पचला वजाओ पगडीओ घेत्तूण चत्तारि त्ति तदियं बंधट्ठाणं । ताणि चेव तिणि संतढाणाणि हुंति | उदयट्ठाणाणि दुण्णि चत्तारि वा, पंच वा। तं जहा-चक्खुदंसणावरणीयं अचक्खुदंसणावरणीयं अवहिदसणावरणीयं [केवलदसणावरणीयं] एयाओ पयडीओ घेत्तूण एगं उदयट्ठाणं । एदाओ चेव चत्तारि पयडीओ णिदाणिहा-पचलापचला थोणगिद्धीण णिद्दा-पचलाणं एक्कदर-सहियायो घेत्तूण पंचेत्ति विदियमुदयट्ठाणं ।
विदियावरणे णवबंधगेसु चदु पंच उदय णव संता ।
सो [छ] बंधगेसु एवं तह चदुबंधे छ-णवंसा य ॥८॥ 'विदियावरणे' दंसणावरणे णवकम्माणि बंधमाणेसु चत्तारि वा पंच वा उदयकम्माणि, णव संतकम्माणि । एवं दो भंगा। छ कम्माणि बंधमाणेसु वि चत्तारि वा पंच वा उदयकम्माणि, णव संतकम्माणि [त्ति] दो चेव भंगा। चत्तारि कम्माणि बंधमाणेसु चत्तारि वा, पंच वा, उदयकम्माणि, णव वा छ वा संतकम्माणि ६४।६, EVIE; ६।४।६, ६श६; ४|४|६, ४।।६; ४।४।६, ४।५।६ । एवं चत्तारि भंगा।
___ उवरदबंधे चदु पंच उदय, णव छच्च संत चदु जुगलं ।
अबधगे चत्तारि वा पंच वा उदयकम्माणि; णव वा छ वा संतकम्माणि, चत्तारि उदयकम्माणि; संत कम्माणि चत्तारि ।०।४.६, ०५६, ०४।६; ०।५।६; ०।४।४ एवं पंचभंगा।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |