Page Text
________________
६२४
पंचसंगहो
सादं चदुपच्चइगं मिच्छो सोलस दुपच्च पणत्तिसं ।
सेसा तिपच्चया खलु तित्थयराहार-वजाओ ॥११॥ ‘सादं चदुपच्चइदं' सादरस मिच्छत्त-असंजम-कसाय-जोग-चदुण्हं पञ्चयाणं पत्तेयं पत्तेयं पाधण्णेण बंधो होइ। पगडिबंध-सामित्ते मिच्छादिहिस्स वुत्ताणं सोलसण्हं पगडीणं मिच्छत्तपञ्चय-पाधण्णेण बंधो होइ। तम्हि चेव सासणंत-पणुवीसं असंजदंत-दस-पणतीसपगडीणं मिच्छत्त असंजम दुण्हं पच्चयाणं पत्तेगपाधण्णेण बंधो होइ। सेसाणं तित्थयराहार-दुगे वज्जाणं मिच्छत्त-असंजम कसाय तिण्डं पच्चयाणं पत्तेय-पाधण्णेण बंधो हवदि । तित्थयरस्स सम्मत्तपाधण्णेण, आहार-दुगस्स पमादरहिद-संजमपाधण्णेण ।।
पंच य छ त्तिय छप्पंच दुण्णि पंच य हवंति अद्वैव । सरिरादिय-फासंता पगडीओ हुति आणुपुव्वी[ए] ॥११६॥ [अगुरुयलहुगुवधाया परघाया आदावुञ्जोय णिमिण णामं च । पत्तेय-थिर-सुहेदरणामाणि य पुग्गलविवागा ॥११७॥] आऊणि भवविवागी खेत्तविवागी य होइ अणुपुव्वी ।
अवसेसा पगडीओ जीवविवागी मुणेयव्वा ॥११८॥ 'पच य छ' पंचसरीर छ संठाण तिण्णि अंगोवंग छ संघडण पंच वण्ण दोगंध पंचरस अट्ठफास अगुरुगलहुग उवघाद परघाद आदाव उज्जोव णिमिण पत्तेग साहारण थिर अथिर सुभ असुभ एदाओ पगडीओ पुग्गलविवागा पुग्गलपरिणामकारणादो पुग्गलविवागा त्ति वुच्चंति । 'आऊणि भवविवागी' चत्तारि आउगाणि भवविवागा हवंति, भव-धारण-णिमित्तादो। चत्तारि आणुपुत्वीओ खेत्तविवागा हुति, विग्गहं काऊण गच्छमाणस्स खेत्तफलदाणादो। अवसेसा पगडीओ जीवविवागा हुंति, जीवपरिणामणिमित्तादो।
__ एवं अणुभागबंधो समत्तो। एयक्खेत्तवगाढं सव्वपदेसेहिं कम्मणो जोग्गं ।
बंधइ जहुत्तहेदू सादिमह अणादियं चावि ॥११॥ 'एयक्खेत्तवगाढं जीवस्स अप्पप्पणो सव्वपदेसट्ठिदखेत्तपदेसे तत्तियमेत्तेण ठिदपुग्गलदव्यं कम्मजोग्गं बंधदि, जहुत्तकारणसहिदो जीवो 'सादिअ' कम्मसरूवेण गह्यि-मुक्कपुग्गलदव्वं सादिकं । पुव्वकम्मसरूवेण गहिय-पुग्गलदव्वं अणादियं ।
पंचरस-पंचवण्णेहिं परिणदो दोगंध-चदुहिं फासेहिं ।
दवियमणंतपदेसं जीवेहि अणंतगुणहीणं ॥१२०॥ 'पंच रस' तित्त-कडुय-कसाय अंविल-महु[रसेहिं] संजुत्तं, किण्ह-णील-रुहिर-हालिह-सुकिलवण्णेहिं सहिदं, सुरभि दुरभि गंध-सीदुण्ड-णिद्ध-लुक्खेहिं परिणदमणंतपदेसं सव्वजोवेहिं अणंतगुणहीणं अब्भवसिद्धेहिं अणंतगुण सिद्धाणमणंतभागं कम्मबंधजोग्गपुग्गलदव्वं होइ ।
आउगभागो थोत्रो णामा-गोदे समो तदो अधिगो।
आवरणमंतराए सरिसो अहिओ दु मोहे वि ॥१२१॥ 'आउगभागो थोवो' अट्टविधकम्माणं बंधमाणस्स एगेगसमए गहणमागयाणं कम्मपदेसाणं मज्झे आउगभागो थोवो । णामा-गोदाणं अण्णुण्णं भागो समो, आउगभागादो इक्क दरेण अधिओ।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |