Page Text
________________
सतग-संगहो
प्पणो गुणहाणे बंधमाणाणं सादियबंधो। अबंधगुणट्ठाणं अप्पमत्ताणं अणादि । अभव्वसिद्धियाणं धुवं । अबंधं वा जहण्णं वा गंतूण य अधुवं । एदेसि सेसतिगस्स सादि अदुवं ।
उक्कस्समणुक्कस्सो जहण्णमजहण्णगो य अणुभागो ।
सादिय अदुवबंधो पगडीणं हुंति सेसाणं ॥६६॥ सेसपगडीणं उक्करसमणुक्करस-जहण्णमजहण्णाणं सादिअधुवबंधो ।
सुहपयडीण विसोही तिव्वं असुभाण संकिलेसेण ।
विवरीदे दु जहण्णो अणुभागो सव्वपयडीणं ॥१०॥ सुहपगडीण विसोहीए तिव्वं उक्कस्स अणुभाग-बंधट्ठाणं होइ। असुभाणं पि पगडीणं संकिलेसेण उकस्सअणुभाग-बंधट्ठाणं होइ । 'विवरीदे दु जङ्ग्णगो' सुभपगडीणं संकिलेसेण जहण्णो अणुभागो, असुभाण विसोहीए जपणो अणुभागो।।
बादालं पि पसत्था विसोहिगुणमुक्कडरस तिव्वाओ ।
वासीदिमप्पसत्था मिच्छुक्कडसंकिलिट्ठस्स ॥१०१॥ 'बादालंपि पसत्था' य सदेण मूलपयडीणं अपसत्थपरूवित्थादो वा सादी पयडीओअपसत्थाओ अघादिपयडीओ पसत्थापसत्थाओ णायवाओ! णाणावरणीय-दसणावरणीय-मोहणीय-अंतराइयाणं उक्करसो अणुभागबंधो असंखिज्ज वस्साउग-आणदादिदेव वन्ज चउगइसण्णि पंचिंदियमिच्छादिहिस्स सव्वाहिं पज्जत्तीहिं पज्जत्तगस्स सागार-जागारसुदोवजुत्तस्स णियमा उक्कस्ससंकिलिट्ठस्स उक्करस-अणुभागबंधे वट्टमाणस्स । वेदणीय-णाम-गोदाणं उक्करस-अणुभागबंधो सुहुमखवगस्स चरमे उक्कस्स-अणुभागबंधे वट्टमाणस्स । आउगस्स उक्कस्स-अणुभागबंधो अप्पमत्तसंजदस्स सागार-जागारसुदोवजुत्तस्स तप्पाओग्गट्ठिदिबंधस्स उक्करस-अणुभागबंधे वट्टमाणस्स । णाणावरणीय-दसणावरणीय-पंचअंतराइयाणं जहण्णगो अणुभागबंधो सुहुमखवगस्स चरमे जहण्णअणभागबंधे वट्टमाणस्स। मोहणीयस्स जहण्णअणुभागबंधो अणियट्टिखवगस्स सागार-जागारस्स जहण्णअणुभागबंधे वट्टमाणस्स । वेदणीयणामाणं जहण्णगो अणुभागबंधो सम्मादिहिस्स वा मिच्छादिहिस्स वा परियत्तमाणमज्झिमपरिणामस्स जहण्णगे य अणुभागबंधे वट्टमाणम्स । आउगस्स जण्णगों अणुभागबंधो जण्णिय अपज्जत्तांतारयाउग बधमाणस्स असंखेज्ज-वस्साउगवज्ज तिरियस्स मणुसस्स मिच्छादिहिस्स परियत्तमाणमज्झिमपरिणामस्स जहण्णगे अणुभागबंधे वट्टमाणस्स । गोदस्स जहण्णगो अणुभागबंधो सत्तमाए पुढवीए णेरइयमिच्छादिहिस्स सागारजागाररस सव्वविसुद्धस्स सम्मत्ताभिमुहस्स चरमे जहण्णे अणुभागबंधे वट्टमाणस्स ।
'बादालं पि पसत्था' साद-तिरिक्ख-मणुस-देवाउग-मणुस-देवगइपंचिंदियजादि-पंचसरीरसमचउरससंठाण-तिणि अंगोवंग वजरिसभवइरणारायसंघडण-पसत्थवण्णादि-चदुक्क-मणुसदेवगइपाओग्गाणुपुत्वी अगुरुगलहुग-परघाद-उस्सास-आदाय - उज्जोव-पसत्थविहायगइ-तस-बादरपज्जत्त-पत्तेग सरीर-थिर-सुभ-सुभग-सुस्सर-आदिज जसकित्ती-णिमिण-तित्थयर-उच्चगोद वादालोसपयडीओ पसत्थाओ उक्करस विसोहिगुणजुत्तस्स तिव्वकसाय-अणुभागाओ हुंति ।
__ 'वासीदिमप्पसत्था' पंचणाणावरण-णवदसणावरण-असादावेदणीय-मिच्छत्त-सोलसकसायणवणोकसाय-णिरयाउ-णिरयगइ-तिरिक्खगइ-पंचिंदियवज चउजाइ-समचउरवज्ज पंचसंठाण-वन्नरिसभ वज्ज पंचसंघडण-अप्पसत्थवण्णादिचदुक्क-णिरयगइ-तिरिक्खगइपाओग्गाणु-पुव्वी-उवघाद अप्पसत्थविहायगइ - थावर सुहुम-अपनत्त - साहारण अथिर-असुभ-दुभग-दुस्सर-अणादिज-अजसकित्ति णिचगोद-पंचअंतराइया वासीदिपगडीओ अप्पसत्थाओ उक्कस्ससंकिलेसजुत्तमिच्छादिहिस्स।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |