Page Text
________________
६१७
सतग-संगहो थावराणं उक्करसगो ठिदिबंधो भवणवासिय-वाणवितर-जोदिसिय-सोधम्मीसाणदेवा मिच्छादिठिस्स पज्जत्तस्स सव्वसंकिलिट्ठस्स ईसिमभिमपरिणामस्स वा उक्करसाबाधाए उक्करसठिदिबधे वट्टमाणस्स सागार-जागार-सुदोवजुत्तस्स ।
सेसाणं चदुगदिया ठिदि-उकस्सं करिति पगडीणं ।
उकस्ससंकिलेसेण ईसिमहमज्झिमेणावि ॥६२॥ सेसाणं चदुदिया पंचणाणावरण-णवदंसणावरण-असादवेदणीय-मिच्छत्त-सोलस कसायणउंसयवेद-अरदि-सोग-भय-दुगुंछा-पंचिंदिय-तेज-कम्मइयसरीर हुंडसंठाण-वण्णादिचदुक्क-अगुरुगलहुगादिचदुक्क-अप्पसत्थविहायगइ-तस-चादर-पज्जत्त-पत्तेगसरीर-अथिरादि छ-णिमिण-णिच्चगोदाण पंचअंतराइयाणं उक्कस्सगो ट्ठिदिबंधो असंखेज्जवस्साउग-आणदादिदेव वज्ज चउगइसण्णिमिच्छादिस्सि पज्जत्तस्स सागार-जागारसुदोवजुत्तस्स उक्किट्ठसंकिलिस्स ईसिमज्झिमपरिणामस्स वा । उक्कस्सटिदिबंधपाओग्ग-असंखेज्जलोगपरिणामेसु जं चरमपरिणामहाणं तं उक्करससंकिलेसेत्ति वुच्चइ। तेसु चेव जं पढमपरिणाम [ हाणं ] ईसि त्ति वुच्चइ । दुण्डं विच्चालपरिणामट्ठाणं मज्झिमपरिणामे त्ति वुच्चइ । एवं सेसाणं पगडीणं । वरि तप्पाओग्गसंकिलिङ्कस्स।
आहारं तित्थयरं णियट्टि अणियट्टि पुरिस संजलणं ।
बंधइ सुहुमसराओ साद-जसुच्चावरण-विग्धं ॥६३॥ आहारसरीर-आहारसरीरंगोवंग-तित्थयरणामाणं जहण्ण-उक्कस्सगो ठिदिबंधो अपुव्वकरणखवगस्स छट्रमभागचरमे जहएणगे ठिदिबंधे वद्रमाणस्स । परिसवेद-चदसंजलणाण जहण्णगो ठिदिबंधो अणियट्टिखवगस्स अपप्पणो जहण्णगे चरमे हिदिबंधे वट्टमाणस्स । साद-जसकित्तिउच्चगोद-पंचणाणावरण-चउदसणावरण- पंचअंतराइयाणं जहण्णगो ठिदिबंधो सुहुमखवगस्स चरमजहण्णगे ठिदिबंधे वट्टमाणस्स ।
छण्हमसण्णिट्ठिदीण कुणइ जहण्णमाउग्गमण्णदरो।
सेसाणं पजत्तो बादर एइंदियसुद्धो दु ॥१४॥ 'छण्हमसण्णी' [णिरयग-] इ-णिरयगइपाओग्गाणुपुवीणं जहण्णगो ट्ठिदिबंधो असण्णिपंचिंदियपज्जत्तस्स सागार-जागारसुदोवजुत्तस्स जहण्णगे ट्ठिदिबंधे वट्टमाणस्स । देवगइ-वेउव्वियसरीर-तदंगोवंग-देवगइपाओग्गाणुपुत्वीणं जहण्णगो ठिदिबंधो असण्णिपंचिंदियपज्जत्तस्स सागारजागारसुदोवजुत्तस्स सव्वविसुद्धस्स जहण्णगे ठिदिबंधे वट्टमाणस्स । णिरयाउगस्स जहण्णगो ठिदिबंधो [असणिपंचिदिय-पज्जत्तस्स सागार-जागारसदोषजत्तस्स सव्वविसद्धस्स मिच्छादिहिस्स जहण्णगे ठिदिबंधे ] वट्टमाणस्स । एवं देवाउगस्स वि । णवरि तप्पाओग्गसंकिलिट्ठस्स । तिरिय-मणुसाउगाणं जहण्णगो ठिदिबंधी असंखेज्जवस्साउग वज्ज सव्वतिरिय-मणुसाणं मिच्छादिट्ठीण तप्पाओग्गसंकिलिट्ठाणं जहण्णठिदिबंधे वट्टमाणाणं ओगाहण [ दोण्हमाउगाण ] जादि [ जायदि ] । णाणा [ णवरि ] विसेसाण पडुच्च अण्णदरो त्ति णादवो। 'सेसाणं पज्जत्तो' पंच दंसणावरण-मिच्छत्त-वारस कसाय-हस्स-रइ-भय-दुगुंछ-पंचिंदियजादि-ओरालिय-तेज-कम्मइयसरीर-समचउरसरीर-संठाण-ओरालियसरीरंगोवंग-वज्जरिसभवहरणारायसरीरसंघडण-वण्णादि चउक्क - अगुरुलहुगादिचउक्क - पसत्थविहायगइ-तस-बादर-पज्जत- पत्तेगसरीर - थिर-सुभ - सुभगसुरसर-आदिज्ज-णिमिण [ णामाणं ] जहण्णगो हिदिबंधो बादरएइंदियपज्जत्तस्स सागार-जागारस्स सम्वविसुद्धस्स जहण्णगे ठिदिबंधे वट्टमाणस्स । असाद-इत्थी-णवंसक [ वेद ]-अरइ-सोग-चउजाइ
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |