Page Text
________________
६१४
पचसंगहो
आवरणमंतराइय पण चदु पणयं च लोहसंजलणं ।
ठिदिवंधो दु जहण्णो भिण्णमुहुत्त वियाणाहि ॥७३॥ तत्थ जहण्णट्ठिदि-बधद्धाच्छेदो पंचणाणावरण-चउर्दसणावरण-लोभसंजलण-पंचअंतराइयाणं जहण्णगो छिदिबधो । अंतोमुहुत्तं । अंतोमुहुत्तमाबाधा। आबाधेणूणिया कम्मट्ठिदी कम्मणिसेगो।
बारस मुहुत्त सादं अट्ठ मुहुत्त तु उच्च जसकित्ती ।
वेमास मास पक्खं कोहं माणं च मायं च ॥७४॥ सादावेदणीयम्स जहण्णगो ठिदिबधो बारस मुहुत्ताणि । अंतोमुहुत्तमाबाधा। आबाधेणूणिया कम्मट्ठिदी कम्मणिसेगो। जसकित्ति-उचागोदाणं जहण्णगो ठिदिव धो अट्ठिमुहुत्ताणि । अंतोमुहुत्तमाबाधा । आबाधेणूणिया कम्मट्ठिदी कम्मणिसेगो। कोहसंजलणस्स जहण्णगो ठिदिबंधो बे मासाणि । अंतोमुहुत्तमाबाधा। आबाधेणूणिया कम्मठ्ठिदी कम्मणिसेगो। माणसंजलणस्स जहण्णगो ठिदिबधो मासमिक्को। अंतोमुहुत्तमाबाधा । आबाधेणूणिया कम्मट्ठिदी कम्मणिसेगो । मायसंजलगस्स जहण्णगो द्विदिबधो अद्धमासो। अंतोमहत्तमाबाधा। आबाधेणणिया कम्महिदी कम्मणिसेगो।
पुरिसस्स अट्ठ वस्सं आउग-दुग भिण्णमेव य मुहुत्तं ।
देवाउग-णिरयाउग वाससहस्सा दस जहण्णा ॥७॥ पुरिसवेदस्स जहण्णगो ठिदिबधो अछ वस्साणि । अंतोमुहुत्तामाबाधा । आबाधणूणिया कम्मट्ठिदी कम्मणिसे गो। तिरिक्खाउग मणसाउगाणं जहण्णगो ठिदिबधो अंतोमुहुत्तं । अंतो. मुहुत्तमाबाधा । अंतोमुहुत्तं कम्मणिसेगो। णिरय-देवाउगाउगाणं जहण्णगो ठिदिबंधो दसवाससहस्साणि | अबाधा अंतोमुहुत्तं । दसवाससहस्साणि कम्मणिसेगो।
पंचय विदियावरणं सादीदरवेदणीय मिच्छत्त । वारस य अट्ट णियमा कसाय तह णोकसायाणं ॥७६॥ तिणि य सत्त य चदु दुग सागर उवमस्स सत्तभागा दु ।
ऊणं असंखभागा पल्लस्स जहण्ाटिदिबंधो ॥७७॥ णिद्दाणिद्दा पयलापयला थीणगिद्धी य णिद्दा य पयला य असादवेदणीयाण जहण्णगो ठिदिबधो सागरोवमस्स तिण्णि-सत्तभागा पलिदोवमस्स असंखेन्जदिभागेण ऊणया। अंतोमुहुत्तमाबाधा। आबाधेणूणिया कम्मट्ठिदी कम्मणिसेगो। मिच्छत्तस्स जहण्णगो ठिदिबधो सागरोवमं पलिदोवमस्स असंखेजदिभागृणं । अंतोमुहुत्तमाबाधा । आबाधेणूणिया कम्मट्ठिदी कम्मणिसेगो । अणंताणुबधि-अपञ्चक्खाणावरण-पञ्चक्खाणावरण-कोह-माण-माया-लोभाणं जहण्णगो ठिदिबधो सागरोवमस्स चत्तारि सत्तभागा पलिदोवमरस असंखिज्जदिभागूणिया। अंतोमुहुत्तमाबाधा। आबाघेणूणिया कम्मट्टिदी कम्मणिसेगो। इत्थी-णउंसयवेद-हस्स-रदि-अरदि-सोग-भय-दुगु छाणं जहण्णगो ठिदिबधो सागरोवमरस वे-सत्तभाया पलिदोवमस्स असंखिन्जदिभागूणिया । अंतोमुहुत्तमाबाधा । आबाघेणूणिया कन्मट्ठिदी कम्मणि से गो।
तिरियगई मणुयदोण्णि य पंच य जादी सरीरणामतिगं । संठाणं संघडणं छको ओरालियंगवंगो य ॥७॥
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |