Page Text
________________
पंचसंगहो
जम्हि जम्हि असंखिज्जवस्साउग त्ति भणिया, तम्हि तम्हि भोगभूमिपडिभागियतिरिक्ख-भोगभूमिमणुसा च घेत्तव्वो। सेसतिरिक्ख-मणुससंखेजवस्साउगं परघाद उस्सास विहायगइ सुस्सरणामाणि अपज्जत्तेण सह बंधं णागच्छंति । पुव्वुत्तभंगा[f]संखपरूवणा एस गाहा
सव्वे वि पुव्वभंगा उवरिमभंगेसु इक्कमेकसु ।
मेलंति ति य कमसो गुणिदे उप्पजदे संखा ॥११॥ तेवीसं पणुवीसं [छन्वीसं ] अट्ठावीसं एगूणतीसं तीसं इकत्तीसं इक्कं एदाणि णामस्स अट्ठ ठाणाणि । ओदरमाणेण अपुव्वुवसामगो एक बंधंतो एक्कत्तीसं वा तीसं वा एगूणतीसं वा अदावीसं वा बंधंति त्ति चत्तारि भुजगारा४। तेवीसं बंधमाणो पंचवीस बंधइत्ति एक्को भुजगारो । पंचवीसं बंधमाणो छव्वीसं बंधइ त्ति विदिओ भुजगारो २। एवं जाव एक्कत्तीस त्ति ताव जहासंभवेण भुजगारो घेत्तव्वो। एवं भुजगारहाणाणि छह । अपुव्वकरणो अट्ठावीसं वा एगूणतीसं वा तीसं वा एक्कत्तीसं वा बंधमाणो इक्को बंधइ त्ति अप्पदर इक्कत्तीसं बंधमाणो देवेसुप्पण्णो एगूणतीसं बंधइ त्ति अप्पदरो। इक्कत्तीसं बंधमाणो पमत्तभावेण एगूणतीसं बंधइ त्ति तीसमादि काऊण जाव तेवीसं जहासंभवेण अप्पदरा घेत्तव्वा । एवं सत्त अप्पदरट्ठाणाणि । उभयं अट्ठ ठाणाणि ।
इगि दुग दुगं च तिय चदु पणयं तीसादि तेवीस ठाणे । एयाई चत्तारि दु भुजगारा हुति णामस्स (११)॥५७।। तिय छक्क पंच चदु दुग एगं इगितीस आइ ठाणेसु ।
पणुवीसंते जाणसु अप्पदरा हुँति णामस्स ॥५८॥ सेसेसु पंचसु कम्मसु एक्कदरहाणं ति कहं ? पंच णाणावरणीयं पंच अंतराइयाणि सरिसाणि य गच्छंति बंधमिदि तेसिं भुजगार-अप्पदरगाणि णत्थि । अवढिओ चेव । सादासादाण अण्णदरमिदि, उच्चाणिचागोदाणं अण्णदरं बंधइ त्ति एदेसि अप्पदर-भुजगारा णत्थि । अवट्टिदो चेव । आउगमेक्कं बंधंतो अण्णाउगाणि ण बंधइ त्ति भुजगार-अप्पदरं णत्थि । अवढिओ चेव । वेदणीयवजाणं सत्तण्हं कम्माणं अबंधादो बंधदि त्ति [अ-] क्त्तव्वो बंधो, तक्काले भुजगाराप्पदरावढिओ त्ति ण वुच्चइ त्ति ।।
एदाहिं दोहिं गाहाहिं मूलुत्तरपगडीसु पगडिहाण-भुजगार-अप्पदर-अवट्ठिदाणि चत्तारि अणिओगद्दाराणि वुत्ताणि ।
सव्वासिं पगडीणं मिच्छादिट्ठी दु बंधगो भणिदो । तित्थयराहारदुगं मुत्तूण य सेसपगडीणं ॥५६॥ सम्मत्तगुणणिमित्तं तित्थयरं संजमेण आहारं ।
बझंति सेसियाओ मिच्छत्तादीहिं हेदूहि ॥६०॥ पंच णाणावरण णव दंसणावरण सादासादं मिच्छत्त सोलस कसाय णव णोकसाय चत्तारि आउगाणि चत्तारि गदि पंच जादि पंच सरीर छ संठाण तिण्णि अंगोवंग छ संघडणं वण्ण गंध रस फास चत्तारि आणुपुत्वी अगुरुगलहुगादि चत्तारि आदाउजोष दो विहायगइ तस थावर बादर सुहुम पजत्तापजत्त पत्तेगसाधारणसरीर थिराथिर सुभासुभ सुभग दुभग सुस्सर दुस्सर आदेज अणादिज्ज अजस-जसकित्ती णिमिण तित्थयर उच्चणिचगोदं पंच अंतराइयपगडीओ
www.jainelibrary.org |
For Private & Personal Use Only
Jain Education International
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |