Page Text
________________
सतग-संगहो हुति २४०। एदे सम्मामिच्छादिहिउक्कस्सपच्चयभंगसहिया दो असंजदसम्मादिहिस्स उक्स्सपच्चयभंगा एत्तिया हुति १६८० ।
छण्हं इंदियाणमेक्कदरेण पंचकायाणमेक्कदरविराधणे दोणि अणंताणबंधी अपच्चक्खाणावरण वज्ज दोण्हं कोध-माण-माया-लोभाणमेक्कदर त्ति दोण्णि । तिण्हं वेदाणमेक्कदरं । दुण्हं जुयलाणमेकदरं । चत्तारि मणजोग चत्तारि वचिजोग ओरालियकायजोगाणमेक्कदरं एदे अट्ठ जहण्णपच्चया संजदासंजदस्स ८। छ इंदियभंगा तसवज्ज पंचकायभंगेहिं गुणिया ३० । ते चेव कसायचउभंगेहिं गुणिया १२० । ते चेव वेदतिभंगेहि गुणिया ३६० । ते चेव जुयलदोभंगेहिं गुणिया ७२० । ते चेव णवजोग-विभंगेहिं गुणिया ६४८०।
छण्हमिंदियाणमिक्कदरेण पंचकाय विराहेण छ अणंताणुबंधी वज्ज अपच्चक्खाणावरण वज्ज दुण्हं कोध-माण-माया-लोभाणमिक्कदरं दोणि । तिण्ह वेदाणमेक्कदरं दुण्हं जुयलाणमेक्कदरं । भय दुगुछा च । णवण्हं जोगाणमेकदरं। एदे चउदस उक्कस्सपच्चया तस्सेव । छ इंदियभंगा कसायभंगेहिं गुणिया २४ । ते चेव वेदतिभंगेहिं गुणिया ७२ । ते चेव जुयलदोभंगेहि गुणिया १४४ । ते चेव णवजोगभंगेहिं गुणिया १२६६।
संजलणकोध-माण-माया-लोभाणमेक्कदरं । तिण्हं वेदाणमेक्कदरं । दुण्हं जुयलाणमेक्कदरं । चत्तारि मणजोग-चत्तारि वचिजोग-ओरालियकायजोग-आहार-आहारमिस्सकायजोगाणमेक्कदरं । एदे पंच जहण्णपञ्चया पमत्तसंजदस्स । चत्तारि कसायभंगा वेदतिभंगेहि गुणिया १२ । ते चेव जुवलदोभंगेहि गुणिया २४ । ते चेव इक्कारस जोग भंगेहि गुणिया २६४ । ते चेव जहण्णपच्चया य भय-दुगुंछा च सहिया अ सत्त उक्कस्सपच्चया हुँति । भंगा पुण ते चेव २६४।
एवं अप्पमत्तसंजदस्स वि । णवरि विसेसो आहार-आहार मिस्सकायजोगा णत्थि । चउवीस भंगा २४ जोगणवभंगेहिं गुणिया जहण्णुकस्सपच्चयाणं भंगा एत्तिया हुंति २१६ ! एवं अपुव्वकरणस्स वि । चदुसंजलणाणमेक्कदरं णवण्हं जोगाणमेक्कदरं। एदे दण्णि जहण्णपच्च अवगदवेदअणियट्टिस्स २ । चत्तारि कसायभंगा णवजोगभंगेहिं गुणिया ३६ । चदुण्हं संजलणाणमेकदरं । तिण्हं वेदाणमेक्कदरं । णवण्हं जोगाणमेक्कदरं । एदे तिणि उक्कस्सपचया सवेदअणियट्टिस्स । चत्तारि कसायभंगा वेदतिभंगेहिं गुणिया १२ । ते चेव णयजोगदुभंगेहि गुणिया १०८ ।
सुहमे लोभसंजलणं णवण्हं जोगाणमेक्कदरं । एदे दुण्णि जहण्णुक्कसपच्चया सुहमस्स । जोगभंगा णव चेव ।। णवण्हं जोगाणमेक्कदरं । इक्को चेव जहण्णुकस्सपञ्चओ । उवसंतकसायखोणकसायाण जोगभंगा णव चेव है । सञ्चमणजोग-असच्चमोसमणजोग-सच्चवचिजोग-असच्चमोसवचिजोग-ओरालिय-ओरालियमिस्स-कम्मइयकायजोगाणमेक्कदरं । एक्को चेव जहण्णक्कस्सपचओ सजोगिकेवलिस्स । जोगभंगा सत्त चेव ७ । एदे एक्कसमयजहण्णुक्करसपच्चया भणिया।
पडिणीय अंतराए उवघादे तप्पदोस णिण्हवणे ।
आवरणदुगं भूओ बंधइ अच्चासणाए वि ॥१६॥ पडिणीय समच्छरो। कुदो वि कारणादो 'वि भावियणाणम्मि दाणजोग्गविणीयसिस्सस्स जदो ण दीयदे,अत्थोवदेसो तम्मच्छरं तित्थपडिऊलं । अंतरायं णाणवुच्छेदं । उवघादं पसत्थणाणदूसणं । तप्पदोसं परमत्थणाणस्ल मोक्खसाधणस्स कित्तणे कदे अकहं मणेण पेसुण्णपरिणामो पदोसो । णिण्हवणे कुदो वि कारणादो णस्थि ण याणिमो पलावणं वंचणं णिण्हवणे । अचासणं अधि वाया काएग परर्पयासणस्त वजगं आसादणं तस्सद्धेणा(तप्पदेग)णाण-दस गणिद्दे सो कदो। कुदो ? 'आवरणदुगं बंधइ' इदि वयणादो।
Jain Education International
For Private & Personal Use Only
www.jainelibrary.org
| SR No. | 001937 |
| Book Title | Panchsangrah |
| Original Sutra Author | N/A |
| Author | Hiralal Jain |
| Publisher | Bharatiya Gyanpith |
| Publication Year | |
| Total Pages | 872 |
| Language | Sanskrit, Prakrit, Hindi |
| Classification | Book_Devnagari & Karma |
| File Size | 21 MB |