________________
२८८
पंचसंग्रह : ७
बावीसे गुणवीसे पन्नरसेक्कारसे य सत्ते य । तेवीसा संकमइ मिच्छाविरयाइयाण कमा ॥२३॥ अट्ठारस चोद्ददससत्तगेसु बावीस खीणमिच्छाणं । सत्तरसतेरनवसत्तगेसु इगवीसं संकमइ ॥२४।। दसगाइचउक्कं एक्कवीस खवगस्स संकमहि पंचे। दस चत्तारि चउक्के तिसु तिन्नि दु दोसु एक्केक्कं ।।२५।। अट्ठाराइचउक्कं पंचे अट्ठार बार एक्कारा । चउसु इगारसनवअड तिगे दुगे अठ्ठछप्पंच ।।२६।। पण दोन्नि तिन्नि एक्के उवसमसेढीए खइयदिट्ठिस्स। इयरस्स उ दो दोसु सत्तसु वीसाइ चत्तारि ॥२७।। छसु वीस चोद्द तेरस तेरेक्कारस य दस य पंचमि। दसडसत्त चउक्के तिगंमि सग पंच चउरो य ॥२८।। गुणवीसपन्नरेक्कारसाइ ति ति सम्मदेसविरयाणं । सत्त पणाइ छ पंच उ पडिग्गहगा उभयसेढीसु ॥२६।। पढमचउक्कं तित्थगरवज्जितं अधुवसंततियजुत्तं । तिगपणछ्व्वीसेसु संकमइ पडिग्गहेसु तिसु ॥३०।। पढमं संतचउक्कं इगतीसे अधुवतियजुयं तं तु । गुणतीसतीसएसु जसहीणा दो चउक्क जसे ॥३१।। पढमचउक्कं आइल्लवज्जियं दो अणिच्च आइल्ला । संकहिं अट्ठवीसे सामी जहसंभवं नेया ॥३२॥ संकमइ नन्न पगई पगईओ पगइसकमे दलियं । ठिइअणुभागा चेवं ठंति तहट्ठा तयणुरूवं ॥३३॥ दलियरसाणं जुत्तं मुत्तत्ता अन्नभावसंकमणं । ठिईकालस्स न एवं उउसंकमणं पिव अदुट्ठ ॥३४॥ उवट्टणं च ओवट्टणं च फ्गतितरम्मि वा नयणं । बंधे व अबंधे वा जं संकामो इइ ठिईए ॥३५॥
Jain Education International
For Private & Personal Use Only
www.jainelibrary.org |
